കട്ടപ്പന : ബ്‌ളോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി ഭിന്നശേഷിക്കാരായ കിടപ്പുരോഗികൾക്കായി മോട്ടോറൈസ്ഡ് വീൽചെയർ വിതരണം നടത്തി.
കട്ടപ്പന ബ്ലോക്ക് പഞ്ചായത്ത് പ്രസിഡന്റ് ജോസുകുട്ടി കണ്ണമുണ്ടയിൽ വീൽചെയർ വിതരണത്തിന്റെ ഉദ്ഘാടനം നിർവ്വഹിച്ചു. കട്ടപ്പന ബ്ലോക്ക് പഞ്ചായത്ത് കോൺഫറൻസ് ഹാളിൽ നടന്ന ചടങ്ങിൽ ആരോഗ്യ വിദ്യാഭ്യാസ സ്റ്റാൻഡിങ്ങ് കമ്മിറ്റി ചെയർമാൻ ലാലിച്ചൻ വെള്ളക്കട അദ്ധ്യക്ഷത വഹിച്ചു.
ബ്ലോക്ക് പഞ്ചായത്തിലെ ഭിന്നശേഷിക്കാരായ കിടപ്പുരോഗികൾക്ക് ശാരീരികവും മാനസികവുമായ ഒരു കൈത്താങ്ങ് ആയിട്ടാണ് പദ്ധതി വിഭാവനം ചെയ്തിരിക്കുന്നത് .16 മുതൽ 50 വയസ്സുവരെ പ്രായമുള്ള 15 ആളുകളാണ് പദ്ധതിയുടെ ഗുണഭോക്താക്കൾ .