ഇടുക്കി :ജില്ലയിൽ ഫയർ ആന്റ് റസ്‌ക്യൂ സർവ്വീസസ്/പൊലീസ് എന്നീ വകുപ്പുകളിൽ ഡ്യൂട്ടിയ്ക്കായി ഹോംഗാർഡ്‌സ് വിഭാഗത്തിൽ ഉണ്ടാകുന്ന ഒഴിവുകളിലേക്ക് യോഗ്യരായ വനിതാ ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. അടിസ്ഥാന യോഗ്യത ആർമി, നേവി, എയർഫോഴ്‌സ്, പാരാ മിലിട്ടറി തുടങ്ങിയ സൈനിക അർദ്ധ സൈനിക വിഭാഗങ്ങളിൽ നിന്നും പൊലീസ്, ഫോറസ്റ്റ്, എക്‌സൈസ്, ജയിൽ തുടങ്ങിയ സംസ്ഥാന സർവ്വീസുകളിൽ നിന്നും വിരമിച്ച സേനാംഗമായിരിക്കണം.
വിദ്യാഭ്യാസ യോഗ്യത എസ്.എസ്.എൽ.സി (എസ്.എസ്.എൽ.സി യോഗ്യതയുളള ഉദ്യോഗാർത്ഥികളുടെ അഭാവത്തിൽ ഏഴാം ക്ലാസുകാരെ പരിഗണിക്കും) പ്രായപരിധി 35-58, ദിവസ വേതനം 765 രൂപ. യോഗ്യരായ ഉദ്യോഗാർത്ഥികളെ കായികക്ഷമതാ പരിശോധനയുടെ അടിസ്ഥാനത്തിൽ തിരഞ്ഞെടുക്കും.താത്പര്യമുളളവർ ഫെബ്രുവരി 26 വൈകിട്ട് 5 ന് മുമ്പായി ജില്ലാ ഫയർ ഓഫീസിൽ അപേക്ഷ സമർപ്പിക്കണം. അപേക്ഷയോടൊപ്പം പാസ്‌പോർട്ട് സൈസ് ഫോട്ടോഗ്രാഫ് 2 എണ്ണം ഡിസ്ചാർജജ് സർട്ടിഫിക്കറ്റ് അല്ലെങ്കിൽ മുൻ സേവനം തെളിയിക്കുന്ന രേഖ, വിദ്യാഭ്യാസ യോഗ്യത, പ്രായം. മേൽവിലാസം എന്നിവ സംബന്ധിച്ച രേഖകളുടെ സാക്ഷ്യപ്പെടുത്തിയ പകർപ്പുകളും ഉൾപ്പെടുത്തണം. കൂടുതൽ വിവരങ്ങൾ, അപേക്ഷ ഫോറത്തിന്റെ മാതൃക എന്നിവ ജില്ലാ ഫയർ ഓഫീസ്, ആലിൻ ചുവട്, ചെറുതോണിയിൽ നിന്ന് ലഭിക്കും. ഫോൺ: 04862 296001, 9497920164