തൊടുപുഴ : കാഞ്ഞിരമറ്റം മഹാദേവ ക്ഷേത്രത്തിലെ തിരുവുത്സവത്തിന് തുടക്കമായി.തന്ത്രിമുഖ്യൻ പുലിയന്നൂർ ശശി നമ്പൂതിരിപ്പാട് കൊടിയേറ്റി. എട്ട് ദിവസമാണ് ഉത്സവം നടക്കുന്നത്. എല്ലാ ദിവസവും രാവിലെ 4.30 ന് പള്ളിയുണർത്തൽ,​ നടതുറക്കൽ,​ ഗണപതി ഹോമം,​ 6 ന് ഉഷപൂജ,​ 7 ന് എതൃത്തപൂജ,​11.30 ന് ഉച്ചപൂജ,​ വൈകിട്ട് 6.30 ന് ദീപാരാധന എന്നിവ നടക്കും. അഞ്ചാം ദിവസമായ ഫെബ്രുവരി 20 ന് രാവിലെ 11 മുതൽ ഉത്സവബലി ദർശനം,​ ആറാം ദിവസമായ 21 ന് ഉത്സവബലി ദർശനം,​ 23 ന് ആറാട്ട് മഹോത്സവം. വൈകിട്ട് 4.30 ന് കാഴ്ചശ്രീബലി,​ രാത്രി 8 ന് ശേഷം കൊടിയിറങ്ങി ആറാട്ട് കടവിലേക്ക് എഴുന്നള്ളത്ത്,​ 9 ന് ആറാട്ട്,​ 11.30 ന് തിരുമുമ്പിൽ പറവയ്പ്പ്. മാർച്ച് 10 ന് ക്ഷേത്രത്തിൽ മഹാശിവരാത്രി ആഘോഷങ്ങൾ നടക്കും.