തൊടുപുഴ: കുട്ടികൾക്കെതിരെയുളള അതിക്രമങ്ങൾ തടയുന്നതുൾപ്പടെയുള്ള കാര്യങ്ങൾക്കായി കേന്ദ്ര - സംസ്ഥാന സർക്കാരുകളുടേയും പ്രാദേശികമായി തദ്ദേശസ്വയംഭരണ സ്ഥാപനങ്ങളുടേയും നിയന്ത്രണത്തിൽ നിരവധി നിയമ സംവിധാനങ്ങൾ പ്രവർത്തിക്കുന്നുണ്ടെങ്കിലും അവയെല്ലാം പ്രഹസനങ്ങളായി മാറി.

കുട്ടികൾക്കെതിരെയുളള അതിക്രമങ്ങളും അവർ കുറ്റകൃത്യങ്ങളിൽ അകപ്പെടുന്നതും അവരുടെ അവകാശങ്ങൾ ഹനിക്കുന്നതുമായ സംഭവങ്ങൾ ജില്ലയിൽ കുറയുന്നില്ല എന്നാണ് പുറത്ത് വരുന്ന റിപ്പോർട്ടുകൾ നൽകുന്ന സൂചന. കഴിഞ്ഞ 5 വർഷത്തെ കണക്കുകൾ പ്രകാരം

ഇത്തരത്തിലുളള കുറ്റകൃത്യങ്ങൾ നേരിയ ശതമാനം വ്യത്യാസങ്ങളോടെ ജില്ലയുടെ വിവിധ ഭാഗങ്ങളിൽ ഭയാനകമായ അവസ്ഥയിൽ ഇപ്പോഴും തുടുന്നു എന്നതാണ് അധികൃതർ നൽകുന്ന വിവരം. കുട്ടികളുടെ സംരക്ഷണ ചുമതലയുളളവരിൽ നിന്നാണ് അവർക്ക് ഏറ്റവും പ്രശ്നങ്ങളുണ്ടാകുന്നത്. ആൺകു ട്ടികൾ, പെൺകുട്ടികൾ എന്നിങ്ങനെ വ്യത്യാസമില്ലാതെയാണ് ഇത്തരം കാര്യങ്ങൾ സംഭവിക്കുന്നതും. സ്വന്തം വീടുകൾ,​ ബന്ധുക്കൾ,​ അനാധാലയങ്ങൾ,​ ചിൽഡ്രൻസ് ഹോമുകൾ,​പ്രൊട്ടക്ഷൻ സെല്ലുകൾ,​

ഒബ്സർവ്വേഷൻ ഹോമുകൾ,​ആശുപത്രികൾ,​വിദ്യാഭ്യാസ സ്ഥാപനങ്ങൾ,​മതപഠന ശാലകൾ എന്നിവിടങ്ങളിലെല്ലാം ചെറുതും വലുതുമായ വിവിധ തരത്തിലുളള അതിക്രമങ്ങൾ കുട്ടികൾക്ക് നേരെ ഉണ്ടാകുന്നുണ്ട്. പോക്സോ നിയമത്തിന്റെ പരിധിയിലുളള ലൈംഗിക അതിക്രമങ്ങൾ മാത്രമല്ല അവരെ മാനസികമായും ശാരീരികമായും ഉപദ്രവിക്കൽ,​അവകാശങ്ങൾ ഇല്ലാതാക്കൽ,​മദ്യം മയക്ക് മരുന്ന്,​മോഷണം എന്നിങ്ങനെയുളള കുറ്റകൃത്യങ്ങൾ ചെയ്യാൻ അവരെ പ്രേരിപ്പിക്കൽ എന്നിങ്ങനെയുളള കാര്യങ്ങൾ ചെയ്യുന്നവർക്കെതിരേയും ശക്തമായ നിയമ വ്യവസ്ഥിതിയാണ് നിലവിലുളളത്. എങ്കിലും ഈ നിയമ സംവീധാനങ്ങളെയെല്ലാം വെല്ലുവിളിച്ചാണ് ജില്ലയിൽ ഇത്തരം പ്രവർത്തികൾ സംഭവിക്കുന്നതും.

പൊലീസിലും മറ്റ് സംവിധാനങ്ങളിലും രജിസ്റ്റർ ചെയ്യുന്ന കാര്യങ്ങൾ മാത്രമേ പുറത്ത് അറിയുന്നത്. അറിയപ്പെടാത്ത സംഭവങ്ങൾ ഏെറെയാവും.

കുട്ടികൾക്ക് വേണ്ടിയുള്ള

അതോറിറ്റികൾ .

കോടതിയുടെ നിയന്ത്രണത്തിലുളള ജുവനൈൽ ജസ്റ്റിസ് ബോർഡ്,​ സംസ്ഥാന ബാലവകാശ കമ്മീഷൻ, ​കളക്ടർ ഉൾപ്പെടുന്ന ജില്ലകൾ കേന്ദ്രീകരിച്ചുളള സമിതി,​

സാമൂഹ്യ നീതിവകുപ്പിന് കീഴിലുളള ശിശുസംരക്ഷണ യൂണിറ്റ്, ജനകീയമായിട്ടുളള​ ശിശുക്ഷേമ സമിതി ,​തദ്ദേശ സ്ഥാപനങ്ങളുടെ നിയന്ത്രണത്തിലുളള പ്രാദേശിക സമിതികൾ എന്നിങ്ങനെ വിവിധ അതോറിറ്റികൾ കുട്ടികൾക്കായി നിലകൊള്ളുന്നുണ്ട്.

വർഷം,പോക്സോ / ശൈശവ വിവാഹം

2014 - 88 / 20

2015 - 97 / 19

2016 - 104 / 16

2017 - 161 / 17

2018 - 135 / 16

2019 - 151 / 7

2020 - 104 / 13