തൊടുപുഴ: സംസ്ഥാനത്തെ എല്ലാ ജില്ലകളിലും ആരോഗ്യ പ്രവർത്തനങ്ങളിലും പരിസ്ഥിതി പ്രവർത്തനങ്ങളിലും പെൺകുട്ടികളെ പങ്കെടുപ്പിക്കുന്നതിന്റെ ഭാഗമായി വനിതാ സൈക്കിൾ ക്ലബ്ബുകൾ രൂപീകരിച്ചു. പരിപാടിയുടെ ജില്ലാതല ഉദ്ഘാടനം തൊടുപുഴ സോക്കർ സ്‌കൂൾ ഗ്രൗണ്ടിൽ തൊടുപുഴ നഗര സഭ അദ്ധ്യക്ഷൻ സനീഷ് ജോർജ് വനിതകൾക്ക് സൈക്കിൾ വിതരണം ചെയ്തു നിർവഹിച്ചു. ചടങ്ങിൽ ജില്ലാ കോർഡിനേറ്റർ വി സിജിമോൻ അദ്ധ്യക്ഷത വഹിച്ചു ജില്ലാ യൂത്ത് പ്രോഗ്രാം ഓഫീസർ വി .എസ് .ബിന്ദു സ്വാഗതം ആശംസിച്ചു. പി എ സലിംകുട്ടി, കെ കെ ഷിംനാസ് പി കെ രാജേന്ദ്രൻ ഷിജി ജെയിംസ് സിജു താജുദീൻ ടിജോ കുര്യാക്കോസ് ജിതിൻ ജോണി റോബിൻ തുടങ്ങിയവർ സംസാരിച്ചു. ജില്ലയിൽ നിന്നും തിരഞ്ഞെടുത്ത 5പെൺകുട്ടികൾക്കാണ് ചടങ്ങിൽ സൈക്കിൾ വിതരണം ചെയ്തത്. തുടർന്ന് ക്ലബ് അംഗങ്ങളുടെ നേതൃത്വത്തിൽ റോഡ് ഷോയും സംഘടിപ്പിച്ചു.