വാഴക്കുളം: ഡീൻ കുര്യാക്കോസ് എം.പി ചെയർമാനായിട്ടുള്ള ഇടുക്കി കേയർ ഫൗണ്ടേഷന്റെ നേതൃത്വത്തിൽ ബിൽഡേഴ്‌സ് അസോസിയേഷൻ മൂവാറ്റുപുഴ സെന്ററിന്റെ സഹായത്തോടെ നിർമ്മിച്ച ആദ്യ വീടിന്റെ താക്കോൽദാനം സിനിമാ താരം സലിം കുമാർ നിർവ്വഹിച്ചു. ഭൂമിയുടെ രേഖകൾ ഇല്ലാത്തതിന്റെ പേരിൽ ലൈഫ് പദ്ധതിയിൽ വീട് ലഭിക്കാതെ വന്ന മടക്കത്താനം മറയംകോട്ട് ബെന്നിയുടെ കുടുംബത്തിനാണ് എം.പി.യുടെ നേതൃത്വത്തിൽ വീട് നിർമ്മിച്ച് നൽകിയത്. ഡീൻ കുര്യാക്കോസ് എം.പി.യുടെ അധ്യക്ഷതയിൽ ചേർന്ന ചടങ്ങിൽ ഇടുക്കി കെയർ ഫൗണ്ടേഷൻ മൂവാറ്റുപുഴ കോ.ഓർഡിനേറ്റർ സമീർ കോണിക്കൻ സ്വാഗതം പറഞ്ഞു. ഡി.കെ.ടി.എഫ് സംസ്ഥാന പ്രസിഡന്റ് ജോയി മാളിയേക്കൽ, മഞ്ഞള്ളൂർ ഗ്രാമപഞ്ചായത്ത് പ്രസിഡന്റ് ആൻസി ജോസ്, ജോസ് പെരുംമ്പിള്ളിക്കുന്നേൽ, ടോമി തന്നിട്ടമാക്കൽ, ബിൽഡേഴ്‌സ് അസോസിയേഷൻ, മൂവാറ്റുപുഴ സെന്റർ, ചെയർമാൻ സാബു ചെറിയാൻ, ട്രഷറർ ഷാജി പി.സി, രാജേഷ് മാത്യു, പെലിക്‌സി കെ.വർഗീസ്, പോൾ കൊച്ചുമുട്ടം, ജോർഡി.കെ.എബ്രാഹം എന്നിവർ സംസാരിച്ചു.