നെൽകർഷകർക്കും ക്ഷീരകർഷകർക്കും സബ്‌സിഡി
ഇടുക്കി : 100.96 കോടി വരവും 99. 94 കോടി ചെലവും പ്രതീക്ഷിക്കുന്ന ജില്ലാ പഞ്ചായത്ത്ബഡ്ജറ്റ് വൈസ് പ്രസിഡന്റ് ഉഷാകുമാരി മോഹൻകുമാർ അവതരിപ്പിച്ചു. പ്രസിഡന്റ് ജിജി കെ ഫിലിപ്പ് അദ്ധ്യക്ഷത വഹിച്ചു. കാർഷിക ജില്ലയായ ഇടുക്കിയിൽ നെൽകർഷകർക്ക് 25 ലക്ഷം രൂപയുടെ സബ്‌സിഡി പ്രഖ്യാപിച്ചു. ജില്ലയിൽ നെൽക്കൃഷി വർധിപ്പിച്ചു കൊണ്ട് അരിയുടെ കാര്യത്തിൽ സ്വയം പര്യാപ്തതയാണ് ലക്ഷ്യമിടുന്നത്. പാലുത്പാദനം വർദ്ധിപ്പിക്കുന്നതിന് ക്ഷീര കർഷകർക്ക് 3.50 കോടിയുടെ സബ്‌സിഡിയും പ്രഖ്യാപിച്ചു. എല്ലാവർക്കും പാർപ്പിടം ലക്ഷ്യമാക്കുക എന്ന ലക്ഷ്യത്തോടെ എട്ടു കോടി രൂപ നീക്കിവച്ചു.മൂന്നാറിൽ ഗ്രീഷ്മം എന്ന പേരിൽ പച്ചക്കറി ശീതികരണ യൂണിറ്റിന് 15 ലക്ഷം ,വനിതാ സംരംഭകരെ പ്രോത്സാഹിപ്പിക്കുന്നതിന് സബ്‌സിഡിയായി 52 ലക്ഷം,സ്‌കൂളുകളുടെ നവീകരണത്തിന് 4.50 കോടി,വിവിധ ജില്ലാ ആശുപത്രികൾക്ക് മരുന്നിന് 85 ലക്ഷവും ,
ജില്ലാ ആശുപത്രികളുടെ അറ്റകുറ്റപ്പണിക്ക് ഒരു കോടിയും നൽകും.റോഡ് പുനരുദ്ധാരണ പദ്ധതികൾ 26.21 കോടി,കുടിവെള്ള പദ്ധതികൾക്കും നിലവിലുള്ളവയുടെ നവീകരണത്തിനും 2 കോടി
പട്ടികജാതി പട്ടികവർഗ കോളനികളിലെ കുടിവെള്ള പദ്ധതികൾ പുനരുത്ഥാരണം ഒരു കോടി
ഗോത്രസാരഥി 5 ലക്ഷം, ഇടുക്കി ബസ് സ്റ്റാൻഡിന് സമീപം ഷോപ്പിംഗ് കോംപ്ലക്‌സ് നിർമിക്കുന്നതിനായി ഒരു കോടി രൂപയും വകയിരുത്തി.
മറ്റ് പ്രഖ്യാപനങ്ങൾ
കരുതൽ പഴം സംസ്‌കരണ യൂണിറ്റ് 1.10 കോടി
മണ്ണ്, ജലസംരക്ഷണം 1.50 കോടി
ജലസേചനം 1.25 കോടി
കാറ്റാടി വൈദ്യുതി പദ്ധതി ഒരു കോടി
സോളാർ പദ്ധതി 50 ലക്ഷം
സർവശിക്ഷാ അഭിയാൻ 35 ലക്ഷം
അക്കാദമിക് എക്‌സലൻസ് പദ്ധതി 15 ലക്ഷം
സ്റ്റുഡന്റ് പോലീസ് കേഡറ്റുകൾക്ക് 15 ലക്ഷം
പാലിയേറ്റീവ് ആശുപത്രി 10 ലക്ഷം
മാതൃവന്ദനം 30 ലക്ഷം
സാമൂഹ്യ സുരക്ഷാ മിഷൻ 5 ലക്ഷം
ശാരീരിക വെല്ലുവിളികൾ നേരിടുന്നവർക്ക് സ്‌കോളർഷിപ്പ് ഒരു കോടി
മുതിർന്ന പൗരൻമാരുടെ ക്ഷേമം 1.70 കോടി
ഡയാലിസ് 1.50 കോടി
കാൻസർ ബാധിതർക്കു കീമോതെറാപ്പി മരുന്ന് 10 ലക്ഷം
പാറേമാവ് ആയുർവേദ ആശുപത്രി സർജിക്കൽ തീയേറ്റർ 5 ലക്ഷം
സ്ത്രീകൾക്കായി സഹയാത്രിക ഇലക്ട്രിക് ഓട്ടോ 71.40 ലക്ഷം
ലൈബ്രറികൾക്ക് അടിസ്ഥാന സൗകര്യ വികസനം 10 ലക്ഷം
മൊബൈൽ ആയുർവേദ ക്ലിനിക് 15 ലക്ഷം
കൊലുമ്പൻ സാംസ്‌കാരിക തീയേറ്റർ 50 ലക്ഷം
സഹയാത്രിക ഇലക്ട്രിക് ഓട്ടോ 93.80 ലക്ഷം
വഴികാട്ടിപിക് അപ് ഓട്ടോ96 ലക്ഷം
കരകൗശല വസ്തുക്കളുടെ പ്രദർശനവും വില്പനയും ആദിവാസി കലാരൂപങ്ങളുടെ അവതരണം 30 ലക്ഷം
ജില്ലയിലെ ഗ്രാമീണ റോഡുകൾക്ക് 5.50 ലക്ഷം
കലുങ്ക്, പാലം, മറ്റ് അനുബന്ധ നിർമിതികൾ 1 .60 കോടി
നടപ്പാതകൾ 1 കോടി
കെട്ടിടങ്ങളുടെ നിർമാണം 2.50 കോടി
ശുചിത്വം, മാലിന്യ സംസ്‌കരണം 1 കോടി
ബജറ്റ് അവതരണത്തിനു ശേഷം നടന്ന ചർച്ചയിൽ പ്രൊഫ. എം.ജെ ജേക്കബ് ,രാരിച്ചൻ നീറണാംകുന്നേൽ, ഇന്ദു സുധാകരൻ, വി.എൻ മോഹനൻ, സി .വി. സുനിത, ഷൈനി സജി, കെ .ജി സത്യൻ, അഡ്വ. എം ഭവ്യ തൊടുപുഴ ബ്ലോക്ക് പഞ്ചായത്ത് പ്രസിഡന്റ് ട്രീസ, ഇടുക്കി ബ്ലോക്ക് പഞ്ചായത്ത് പ്രസിഡന്റ് രാജി ചന്ദ്രൻ എന്നിവർ ചർച്ചയിൽ പങ്കെടുത്ത് നിർദ്ദേശങ്ങളും ഭേദഗതികളും സമർപ്പിച്ചു. ജില്ലാ പഞ്ചായത്ത് സെക്രട്ടറി ബി. സുനിൽ കുമാർ നടപടിക്രമങ്ങൾ വിശദീകരിച്ചു. ജില്ലാ പഞ്ചായത്തംഗം ഷൈനി സജി നന്ദി പറഞ്ഞു.