ഇടുക്കി: പട്ടികജാതി വിഭാഗത്തിൽപെട്ട അംഗീകൃത പെട്രോളിയം ഡീലർമാർക്ക് അവരുടെ നിലവിലെ പെട്രോൾ /ഡീസൽ വില്പന ശാലകൾ പ്രവർത്തന നിരതമാക്കുന്നതിനായി പ്രവർത്തന മൂലധന വായ്പ നല്കാൻ പരിഗണിക്കുന്നതിനായി സംസ്ഥാന പട്ടികജാതി പട്ടികവർഗ വികസന കോർപറേഷൻ അപേക്ഷ ക്ഷണിച്ചു.
അപേക്ഷകന് സംരംഭം നടത്തുന്നതിനാവശ്യമായ അടിസ്ഥാന സൗകര്യങ്ങൾ, വിവിധ ലൈസൻസുകൾ ,ടാക്‌സ് ,രജിസ്‌ട്രേഷൻ എന്നിവ ഉണ്ടായിരിക്കേണ്ടതാണ് .അപേക്ഷകന്റെ കുടുംബ വാർഷിക വരുമാനം 6 ലക്ഷം രൂപ കവിയരുത് .പ്രായം 60 കവിയാൻ പാടില്ല .അപേക്ഷകനോ,ഭാര്യയോ/ഭർത്താവോ കേന്ദ്ര/സംസ്ഥന സർക്കാർ വകുപ്പുകളിലോ അനുബന്ധ സ്ഥാപനങ്ങളിലോ സ്ഥിരം ജോലിയുള്ളവരായിരിക്കരുത് .അപേക്ഷകൻ വായ്പക്ക് ആവശ്യമായ വസ്തുജാമ്യം ഹാജരാക്കേണ്ടതാണ് .സ്വന്തം മേൽവിലാസം ,ഫോൺ നമ്പർ,ജാതി,കുടുംബ വാർഷീക വരുമാനം , വയസ്സ് ,വിദ്യാഭ്യാസ യോഗ്യത , ഡീലർഷിപ്പ് ലഭിച്ച തിയതി ,ഡീലർഷിപ്പ് അഡ്രസ്സ് ,ബന്ധപ്പെട്ട പെട്രോളിയം കമ്പനിയുടെ പേര് എന്നീ വിവരങ്ങൾ സഹിതം വെള്ളക്കടലാസിൽ തയ്യാറാക്കിയ പ്രാഥമിക അപേക്ഷ മാനേജിങ് ഡയറക്ടർ , സംസ്ഥാന പട്ടികജാതി പട്ടികവർഗ വികസന കോർപറേഷൻ,ടൗൺ ഹാൾ റോഡ് തൃശൂർ എന്ന വിലാസത്തിൽ ഫെബ്രു വരി 25നകം ലഭിക്കണം.. കൂടുതൽ വിവരങ്ങൾക്ക് ഫോൺ 048722331064 .