ഇടുക്കി: കേരള മദ്രസ അദ്ധ്യാപക ക്ഷേമനിധി അംഗങ്ങൾക്ക് കേരള സംസ്ഥാന ന്യൂനപക്ഷ ധനകാര്യ വികസന കോർപ്പറേഷൻ മുഖേന നൽകുന്ന പലിശ രഹിത ഭവനവായ്പക്ക് അപേക്ഷ ക്ഷണിച്ചു. രണ്ടര ലക്ഷം രൂപയാണ് വായ്പയായി അനുവദിക്കുക. 7 വർഷമാണ് തിരിച്ചടവ് കാലാവധി. ക്ഷേമനിധിയിൽ 2 വർഷം പൂർത്തിയായ അംഗങ്ങൾക്ക് അപേക്ഷിക്കാം. പ്രായം 30 നും 50 നും ഇടയിലായിരിക്കണം. അപേക്ഷാഫോറവും കൂടുതൽ വിവരങ്ങളും www.kmtboard.in എന്ന വെബ്‌സൈറ്റിൽ ലഭ്യമാണ്. പൂരിപ്പിച്ച അപേക്ഷകൾ കേരള മദ്രസ അദ്ധ്യാപക ക്ഷേമനിധി ഓഫീസിൽ മാർച്ച് 10ന് വൈകിട്ട് 5 മണിക്കകം സമർപ്പിക്കണം. ഫോൺ. 0495 2966577