ഇടുക്കി : ജില്ലയിൽ ഫയർ ആൻഡ് റസ്‌ക്യൂ സർവീസസ്/പൊലീസ് എന്നീ വകുപ്പുകളിൽ ഡ്യൂട്ടിക്കായി നിയോഗിക്കപ്പെട്ടിരിക്കുന്ന ഹോംഗാർഡ്‌സ് വിഭാഗത്തിൽ ഭാവിയിലുണ്ടാകുന്ന ഒഴിവുകളിലേക്ക് യോഗ്യരായ വനിത ഉദ്യോഗാർത്ഥികളിൽ നിന്നും അപേക്ഷ ക്ഷണിച്ചു. ആർമി,നേവി എയർഫോഴ്‌സ്, പാരാമിലിട്ടറി തുടങ്ങിയ സൈനിക അർദ്ധസൈനിക വിഭാഗങ്ങളിൽ നിന്നും പൊലീസ്, ഫോറസ്റ്റ്, എക്‌സൈസ്, ജയിൽ തുടങ്ങിയ സംസ്ഥാന സർവ്വീസുകളിൽ നിന്നും വിരമിച്ച സേനാംഗമായിരിക്കണം യോഗ്യത എസ്.എസ്.എൽ.സി (എസ്എസ്എൽസി യോഗ്യതയുള്ള ഉദ്യോഗാർഥികളുടെ അഭാവത്തിൽ ഏഴാം ക്ലാസുകാരെ പരിഗണിക്കുന്നതാണ്) പ്രായപരിധി 35-58, ദിവസവേതനം 765 രൂപ .യോഗ്യരായ ഉദ്യോഗാർത്ഥികളെ കായികക്ഷമതാ പരിശോധനയുടെ അടിസ്ഥാനത്തിൽ തിരഞ്ഞെടുക്കും. (100 മീറ്റർ ദൂരം 18 സെക്കൻഡിനുള്ളിൽ ഓടിയെത്തുക 3 കിലോമീറ്റർ ദൂരം 30 മിനിറ്റിനുള്ളിൽ നടന്ന് എത്തുക).താല്പര്യമുള്ളവർ മാർച്ച് 15 വൈകിട്ട് 5 ന് മുൻപായി ജില്ലാ ഫയർ ഓഫീസിൽ അപേക്ഷ സമർപ്പിക്കണം. അപേക്ഷയോടൊപ്പം പാസ്‌പോർട്ട് സൈസ് ഫോട്ടോഗ്രാഫ് 2 എണ്ണം, ഡിസ്ചാർജ് സർട്ടിഫിക്കറ്റിന്റെ അല്ലെങ്കിൽ മുൻ സേവനം തെളിയിക്കുന്ന രേഖ, വിദ്യാഭ്യാസയോഗ്യത, പ്രായം, മേൽവിലാസം എന്നിവ സംബന്ധിച്ച രേഖകളുടെ സാക്ഷ്യപ്പെടുത്തിയ പകർപ്പുകളും ഉൾപ്പെടുത്തണം. അപേക്ഷ ഫോറത്തിന്റെ മാതൃക ഇടുക്കി ജില്ലാ ഫയർ ഓഫീസ്, ആലിൻചുവട്, ചെറുതോണി ഇവിടങ്ങളിൽ നിന്നും ലഭിക്കും കൂടുതൽ വിവരങ്ങൾക്ക് 04862 296 001, 9497920164 .