തൊടുപുഴ: വികസന നേട്ടങ്ങളും ജനക്ഷേമ പദ്ധതികളും പിണറായി സർക്കാരിന് തുടർഭരണം നൽകുമെന്ന് ഉറപ്പാണെന്ന് കേരള കോൺഗ്രസ് (എം) ജില്ലാ പ്രസിഡന്റ് ജോസ് പാലത്തിനാൽ പറഞ്ഞു. തൊടുപുഴ നയോജകമണ്ഡലം കമ്മിറ്റിയുടെ ആഭിമുഖ്യത്തിൽ നടത്തിയ ബൂത്ത് ലെവൽ ലീഡേഴ്‌സിന്റെ ഏകദിന ശിൽപശാല ഉദ്ഘാടനം ചെയ്യുകയായിരുന്നു അദ്ദേഹം. കഴിഞ്ഞ അഞ്ച് വർഷം സമാനതകളില്ലാത്ത വികസനമാണ് ഇടത് മുന്നണി ജില്ലയിലും സംസ്ഥാനത്തും നടത്തിയത്. ജില്ലയിലെ അഞ്ച് മണ്ഡലങ്ങളിലും എൽ.ഡി.എഫ് വിജയിക്കും. കേരളകോൺഗ്രസ് (എം)​ ഇടതു പക്ഷത്ത് എത്തിയതോടെ മധ്യ തിരുവിതാംകൂറിലെ രാഷ്ട്രീയം മുന്നണിക്ക് അനുകൂലമായെന്നും അദ്ദേഹം പറഞ്ഞു. പാർട്ടി നയോജകമണ്ഡലം പ്രസിഡന്റ് ജിമ്മി മറ്റത്തിപ്പാറ അദ്ധ്യക്ഷത വഹിച്ച യോഗത്തിൽ നേതാക്കളായ പ്രൊഫ. കെ. ഐ. ആന്റണി, റെജി കുന്നംകോട്ട്, ജയകൃഷ്ണൻ പുതിയേടത്ത്, ജോസ് കവിയിൽ, അപ്പച്ചൻ ഓലിക്കരോട്ട്, ബെന്നി പ്ലാക്കൂട്ടം, മാത്യു വാരികാട്ട്,​ അഡ്വ. ബിനു തോട്ടുങ്കൽ, ജോസ് കുന്നുംപുറം, അംബിക ഗോപാലകൃഷ്ണൻ, ജോസി വേളാഞ്ചേരി, അഡ്വ. മധു നമ്പൂതിരി തുടങ്ങിയവർ പ്രസംഗിച്ചു.