തലശ്ശേരി: കോവിഡിനെ അതിജീവിക്കാനുള്ള ആഹ്വാനവും കരുതലും പ്രമേയമാക്കി രാജ്യാന്തര ചലച്ചിത്ര മേളയുടെ സിഗ്‌നേച്ചർ ഫിലിം. കൊവിഡിന്റെ പശ്ചാത്തലത്തിൽ പ്രതിസന്ധിയിലായ തിയേറ്ററുകൾ തുറക്കുന്നതും പ്രതീക്ഷയുടെ അഭ്രപാളികൾ സജീവമാകുന്നതുമെല്ലാം 47 സെക്കൻഡ് ദൈർഘ്യമുള്ള ഫിലിമിൽ പ്രതീകാത്മകമായി ചിത്രീകരിച്ചിട്ടുണ്ട് . കൊവിഡ് മുന്നണപ്പോരാളികൾക്കുള്ള ആദരവു കൂടിയാണ് മഹേഷ് നാരായണൻ സംവിധാനം ചെയ്ത സിഗ്‌നേച്ചർ ഫിലിം.
സിനിമാ യാത്രയിൽ പാലിക്കേണ്ട ഹെൽത്ത് പ്രോട്ടോക്കോളും സിഗ്‌നേച്ചർ ഫിലിമിൽ ഉൾപ്പെട്ടിട്ടുണ്ട്.സംഗീതം :സുഷിൻ ശ്യാം അനമേഷൻ: അനന്തപത്മനാഭൻ, ശരത് രാജ്, ശ്യാമന്ത്, കെ എസ്, നീന അന്ന ജോൺസൺ, ടെറൻസ് ഡൊമിനിക്, മനു ശങ്കർ .ശബ്ദസംവിധാനം :വിഷ്ണു ഗോവിന്ദ്‌