കോഴിക്കോട്: പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി കിഫ്ബി ഫണ്ടിൽ നിന്നുള്ള മൂന്നുകോടി ഉപയോഗിച്ച് നിർമിച്ച നരിക്കുനി ഗവ. ഹയർ സെക്കൻഡറി സ്‌കൂൾ ബഹുനില കെട്ടിടങ്ങളുടെ ഉദ്ഘാടനം ഇന്ന് രാവിലെ 10ന് മുഖ്യമന്ത്രി പിണറായി വിജയൻ ഓൺലൈനായി നിർവഹിക്കും. പാഠ്യപാഠ്യേതര രംഗങ്ങളിൽ മികവ് തെളിയിച്ച കുട്ടികൾക്കുള്ള അനുമോദനവും ഇതോടൊപ്പം നടക്കും. മന്ത്രി സി. രവീന്ദ്രനാഥ് അദ്ധ്യക്ഷനാവും. മന്ത്രി തോമസ് ഐസക് മുഖ്യപ്രഭാഷണം നടത്തും.

സ്‌കൂളിൽ നടക്കുന്ന പരിപാടിയിൽ കാരാട്ട് റസാഖ് എം.എൽ.എ. അധ്യക്ഷത വഹിക്കും.

ജില്ലാ പഞ്ചായത്ത് പ്രസിഡന്റ് കാനത്തിൽ ജമീല മുഖ്യാതിഥിയാകും. പ്രിൻസിപ്പൽ പി.വിശ്വനാഥൻ റിപ്പോർട്ട് അവതരിപ്പിക്കും. ചേളന്നൂർ ബ്ലോക്ക് പഞ്ചായത്ത് പ്രസിഡന്റ് കെ.പി. സുനിൽകുമാർ, നരിക്കുനി ഗ്രാമപഞ്ചായത്ത് പ്രസിഡന്റ് സി.കെ. സലീം,

ജില്ലാ പഞ്ചായത്ത് അംഗം ഐ.പി. രാജേഷ്, പി.ടി.എ. പ്രസിഡന്റ് അബ്ദുൽ ബഷീർ പുൽപ്പറമ്പിൽ, പ്രധാനാദ്ധ്യാപിക രുഗ്മിണി പുത്തലത്ത്, പഞ്ചായത്ത് അംഗങ്ങൾ തുടങ്ങിയവർ പങ്കെടുക്കും