കോഴിക്കോട് : ജില്ലയിൽ 403 പേർക്ക് കൂടി കൊവിഡ് സ്ഥിരീകരിച്ചു. സമ്പർക്കം വഴി 394 പേർക്കാണ് രോഗം ബാധിച്ചത്. വിദേശത്ത് നിന്നെത്തിയ ഒരാൾക്കും അന്യസംസ്ഥാനങ്ങളിൽ നിന്ന് എത്തിയവരിൽ രണ്ടുപേർക്കും പോസിറ്റീവായി. ആറുപേരുടെ ഉറവിടം വ്യക്തമല്ല.

കോർപ്പറേഷൻ പരിധിയിൽ 105 പേർക്ക് സമ്പർക്കത്തിലൂടെ പോസിറ്റീവായി. 4506 പേരെ പരിശോധനയ്ക്ക് വിധേയരാക്കി. ജില്ലയിലെ കൊവിഡ് ആശുപത്രികൾ, എഫ്.എൽ.ടി.സികൾ എന്നിവിടങ്ങളിൽ ചികിത്സയിലായിരുന്ന 410 പേർ കൂടി രോഗമുക്തിനേടി ആശുപത്രി വിട്ടു. മൂന്നു ആരോഗ്യപ്രവർത്തകർക്കും രോഗം ബാധിച്ചിട്ടുണ്ട്. 7460 പേരാണ് പോസിറ്റീവായി ചികിത്സയിലുള്ള കോഴിക്കോട് സ്വദേശികൾ. മറ്റു ജില്ലക്കാരായ 208 പേർ ജില്ലയിൽ ചികിത്സയിലുണ്ട്. 6374 പേരാണ് വീടുകളിൽ ചികിത്സയിലുള്ളത്. പുതുതായി വന്ന 1656 പേർ ഉൾപ്പെടെ 23448 പേരാണ് ജില്ലയിൽ നിരീക്ഷണത്തിലുള്ളത്. 8.94 ശതമാനമാണ് ടെസ്റ്റ് പോസിറ്റിവിറ്റി നിരക്ക്.