കൊയിലാണ്ടി: ശബരിമല പ്രക്ഷോഭ കാലത്ത് ഒരു കേസിൽ പോലും പ്രതികളാകാത്ത കോൺഗ്രസുകാർ തിരഞ്ഞെടുപ്പ് അടുത്തപ്പോൾ വിശ്വാസ സംരക്ഷകരായി കച്ചകെട്ടി ഇറങ്ങിയിരിക്കുകയാണെന്ന് കർണാടക ഗവ.ചീഫ് വിപ്പും ബി.ജെ.പി സംസ്ഥാന സഹ പ്രഭാരിയുമായ സുനിൽകുമാർ കർക്കളെ പറഞ്ഞു. കൊയിലാണ്ടി നിയോജകമണ്ഡലം ബി.ജെ.പിയുടെ നേതൃ യോഗം ഉദ്ഘാടനം ചെയ്യുകയായിരുന്നു അദ്ദേഹം. പശ്ചിമബംഗാളിലും തമിഴ്‌നാട്ടിലും ഒന്നിച്ചു മത്സരിക്കുന്ന കോൺഗ്രസും സി.പി.എമ്മും കേരളത്തിൽ ജനങ്ങളെ കബളിപ്പിച്ച് അന്യോന്യം മത്സരിക്കുകയാണ്. ബി.ജെ.പി ജയിക്കുന്ന സ്ഥലങ്ങളിൽ മാത്രമേ വികസനം നടക്കുന്നുള്ളൂവെന്നും അദ്ദേഹം പറഞ്ഞു. ബി.ജെ.പി സംസ്ഥാന ജനറൽ സെക്രട്ടറി സി.കൃഷ്ണകുമാർ മുഖ്യപ്രഭാഷണം നടത്തി. മണ്ഡലം പ്രസിഡന്റ് ജയ്കിഷ് എസ് ആർ അദ്ധ്യക്ഷത വഹിച്ചു.ജില്ലാ പ്രസിഡന്റ് വി.കെ സജീവൻ, ജില്ലാ വൈസ് പ്രസിഡന്റ് സി.ശശീന്ദ്രൻ, ജില്ലാ സെക്രട്ടറി ചക്രായുധൻ, ട്രഷറർ വി.കെ ജയൻ, ഉണ്ണികൃഷ്ണൻ മുത്താമ്പി, കെ.വി സുരേഷ്, വായനാരി വിനോദ്, അഡ്വ.വി.സത്യൻ, ടി.കെ പത്മനാഭൻ എന്നിവർ പ്രസംഗിച്ചു.