രാമനാട്ടുകര: വാഴയൂർ അഴിഞ്ഞിലത്ത് പ്രവർത്തിക്കുന്ന കോറിഗേറ്റഡ് കാർട്ടൺ ബോക്സ് നിർമ്മാണ യൂണിറ്റിന് തീ പിടിച്ചു. ഇന്നലെ പുല‌ർച്ചേ 5.30നാണ് തീപിടുത്തമുണ്ടായത്. നാലു ടൺ പേപ്പറുകളും, നിർമ്മാണം പൂർത്തിയായ പേപ്പർ ബോക്സുകളും കത്തിനശിച്ചു. മൂന്ന് ലക്ഷം രൂപയുടെ നഷ്ടം കണക്കാക്കുന്നു. ഇൻവെർട്ടറിൽ നിന്ന് തീ പടർന്നതാണ് കാരണം. മീഞ്ചന്ത അഗ്നിരക്ഷാസേനയിലെ അസി. സ്റ്റേഷൻ ഓഫീസർ വി.കെ ബിജു, ഗ്രേഡ് അസി. സ്റ്റേഷൻ ഓഫീസർ കെ.നാരായണൻ നമ്പൂതിരി, സീനിയർ ഫയർ ആൻഡ് റസ്ക്യൂ ഓഫീസർ സി.മുകുന്ദൻ എന്നിവരുടെ നേതൃത്വത്തിൽ മൂന്ന് യൂണിറ്റുകൾ രണ്ടുമണിക്കൂറോളം പ്രവർത്തിച്ചാണ് തീ അണച്ചത്. സിവിൽ ഡിഫൻസ് വളന്റിയർമാരായ ശരത്ത് കള്ളിക്കൂടം, അനസ് തിരുത്തിയാട് എന്നിവരും പങ്കാളികളായി.