കോഴിക്കോട്: ഒളവണ്ണ ഗ്രാമപഞ്ചായത്തിൽ പ്രവൃത്തി പൂർത്തീകരിച്ച രണ്ട് റോഡുകളുടെ ഉദ്ഘാടനം പി.ടി.എ റഹീം എം.ൽ.എ നിർവഹിച്ചു. തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി പത്ത് ലക്ഷം രൂപ വീതം ലഭ്യമാക്കിയ കുറുപ്പംവീട്ടിൽ റോഡ്, കോഴിക്കോടൻകുന്ന് മൂർക്കനാട് എൽ.പി സ്‌കൂൾ റോഡ് എന്നിവയാണ് പൂർത്തീകരിച്ച് ജനങ്ങൾക്കായി സമർപ്പിച്ചത്. കുന്ദമംഗലം മണ്ഡലത്തിലെ നൂറ് ദിനം നൂറ് പദ്ധതികളുടെ ഭാഗമായാണ് റോഡ് തുറന്നുകൊടുത്തത്. ഒളവണ്ണ ഗ്രാമപഞ്ചായത്ത് പ്രസിഡന്റ് പി. ശാരുതി അദ്ധ്യക്ഷത വഹിച്ചു. പഞ്ചായത്ത് മെമ്പർമാരായ പി. മിനി, പി. സതീഭായി, പി.ജി. വിനീഷ്, എം.എൻ. വേണുഗോപാലൻ തുടങ്ങിയവർ പ്രസംഗിച്ചു.