കോഴിക്കോട്: കേന്ദ്ര തിരഞ്ഞെടുപ്പ് കമ്മിഷന്റെ നിർദ്ദേശ പ്രകാരം നിയമസഭാ തിരഞ്ഞെടുപ്പിനോടനുബന്ധിച്ച് ആൾക്കൂട്ട പ്രചാരണ പരിപാടികൾ നടത്തുന്നതിന് നിയമസഭാ മണ്ഡലങ്ങളിൽ പൊതു സ്ഥലങ്ങൾ നിശ്ചയിച്ചു. പോളിംഗ് ദിനത്തിന്റെ രണ്ട് ദിവസം മുമ്പ് വരെ മാത്രം ഉപയോഗിക്കുന്നതിനാണ് അനുമതിയെന്ന് ജില്ലാ ഇലക്ഷൻ ഓഫീസറായ കളക്ടർ അറിയിച്ചു.

നിയമസഭാ മണ്ഡലങ്ങളുടെ പേര്, അനുവദിച്ച സ്ഥലങ്ങൾ ക്രമത്തിൽ : വടകര - നാരായണ നഗർ, കോട്ടപ്പറമ്പ്, കുറ്റ്യാടി- തുറശ്ശേരി മുക്ക് ഗ്രൗണ്ട്, മണിയൂർ, വട്ടോളി ഹൈസ്‌കൂൾ ഗ്രൗണ്ടുകൾ, നാദാപുരം- ഭൂമി വാതുക്കൽ ജീപ്പ് സ്റ്റാന്റ് ഗ്രൗണ്ട്, നാദാപുരം ബസ് സ്റ്റാന്റിന് എതിർവശത്തെ ഗ്രൗണ്ട്, കൊയിലാണ്ടി - സ്റ്റേഡിയം ഗ്രൗണ്ട്, പേരാമ്പ്ര- ചെമ്പ്ര റോഡ് ജംഗ്ഷന് സമീപത്തെ സർക്കാർ ഗ്രൗണ്ട്, ഡോ. കെ ജി അടിയോടി മെമ്മോറിയൽ സ്റ്റേഡിയം, കൂത്താളി, ബാലുശ്ശേരി - ഉളേള്യരി മിനി സ്റ്റേഡിയം, ബാലുശ്ശേരി പഞ്ചായത്ത് സ്റ്റേഡിയം, എലത്തൂർ- നന്മണ്ട ഹൈസ്‌കൂൾ ഗ്രൗണ്ട്, കോഴിക്കോട് നോർത്ത് - കാമ്പുറം കടപ്പുറം മൈതാനം , കോഴിക്കോട് ബീച്ച്, കോഴിക്കോട് സൗത്ത് -മുതലക്കുളം മൈതാനം, കണ്ണഞ്ചേരി ഓപ്പൺ സ്റ്റേജ്, ബേപ്പൂർ- ചാലിയം പളളി മൈതാനം, കുന്ദമംഗലം- കൾച്ചറൽ സെന്ററിന് അടുത്തുളള മൈതാനം, കുന്ദമംഗലം, കൊടുവളളി -കൊയപ്പ ഗ്രൗണ്ട്, അമ്പായത്തോട് ഗ്രൗണ്ട്, തിരുവമ്പാടി - തൊണ്ടിമ്മൽ സ്റ്റേഡിയം, തിരുവമ്പാടി, മാമ്പറ്റ സ്റ്റേഡിയം, മുക്കം.