കോഴിക്കോട് : ജില്ലയിൽ 480 പേർക്ക് ഇന്നലെ കൊവിഡ് സ്ഥിരീകരിച്ചു. വിദേശത്ത് നിന്നെത്തിയ മൂന്നുപേർക്കും അന്യ സംസ്ഥാനങ്ങളിൽ നിന്നെത്തിയ ഒരാൾക്കുമാണ് പോസിറ്റീവായത്. 16 പേരുടെ ഉറവിടം വ്യക്തമല്ല. സമ്പർക്കത്തിലൂടെ 460 പേർക്കാണ് രോഗം ബാധിച്ചത്. കോർപ്പറേഷൻ പരിധിയിൽ 158 പേർക്ക് സമ്പർക്കത്തിലൂടെ പോസിറ്റീവായി. 6494 പേരെ പരിശോധനയ്ക്ക് വിധേയരാക്കി. ജില്ലയിലെ കൊവിഡ് ആശുപത്രികൾ, എഫ്.എൽ.ടി.സികൾ എന്നിവിടങ്ങളിൽ ചികിത്സയിലായിരുന്ന 477 പേർ കൂടി രോഗമുക്തിനേടി. 7.39 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 5021 പേരാണ് ചികിത്സയിലുള്ള കോഴിക്കോട് സ്വദേശികൾ. ഇതര ജില്ലക്കാരായ 183 പേരും കോഴിക്കോട് ചികിത്സയിലുണ്ട്. 4023 പേരാണ് വീടുകളിൽ ചികിത്സയിലുള്ളത്. പുതുതായി വന്ന 1510 പേർ ഉൾപ്പെടെ 22659 പേർ നിരീക്ഷണത്തിൽ കഴിയുന്നു.