കോട്ടയം : ജില്ലയിൽ 639 പേർക്ക് കൂടി കൊവിഡ് സ്ഥിരീകരിച്ചു. 627 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തുനിന്നെത്തിയ 12 പേർ രോഗബാധിതരായി. പുതിയതായി 4818 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 307 പുരുഷൻമാരും 276 സ്ത്രീകളും 56 കുട്ടികളും ഉൾപ്പെടുന്നു. 60 വയസിനു മുകളിലുള്ള 116 പേർക്ക് കൊവിഡ് സ്ഥിരീകരിച്ചിട്ടുണ്ട്. 709 പേർ രോഗമുക്തരായി. 5151 പേരാണ് നിലവിൽ ചികിത്സയിലുള്ളത്. ഇതുവരെ ആകെ 71170 പേർ രോഗബാധിതരായി. 65839 പേർ രോഗമുക്തി നേടി. 16087 പേർ ക്വാറന്റൈനിൽ കഴിയുന്നുണ്ട്.