വൈക്കം : ചെമ്മനത്തുകര കൈരളി വികാസ് കേന്ദ്ര ആൻഡ് ഗ്രന്ഥശാലയും ചെമ്മനത്ത് 63 -ാം നമ്പർ അങ്കണവാടിയും ചേർന്ന് സ്ത്രീകളുടെയും പെൺകുട്ടികളുടെയും സുരക്ഷാ ദിനാചരണത്തിന്റെ ഭാഗമായി ഗാർഹിക പീഡന നിയമത്തെ കുറിച്ച് സെമിനാർ നടത്തി. ടി.വി.പുരം ഗ്രാമ പഞ്ചായത്ത് വികസന കാര്യ സ്​റ്റാൻഡിംഗ് കമ്മി​റ്റി ചെയർപേഴ്‌സൺ ദീപ ബിജു ഉദ്ഘാടനം ചെയ്തു. ഗ്രന്ഥശാലാ പ്രസിഡന്റ് സി.ടി.ജോസഫ് അദ്ധ്യക്ഷത വഹിച്ചു. ലൈബ്രറി കൗൺസിൽ സ്​റ്റേ​റ്റ് റിസോഴ്‌സ് പേഴ്‌സൺ അഡ്വ.രമണൻ കടമ്പറ ക്ലാസ് നയിച്ചു.വാർഡ് മെമ്പർ സിനി ഷാജി ടി.വി.പുരം ഫാർമേഴ്‌സ് സർവ്വീസ് സഹകരണബാങ്ക് പ്രസിഡന്റ് കെ.കെ.ശശികുമാർ, ആശാ അഭിഷേക് , മോളമ്മ എന്നിവർ പ്രസംഗിച്ചു. വനിതാ വായനാ മത്സരത്തിൽ സുലഭ സുജയ് ഒന്നാം സ്ഥാനവും ലളിതാ ശശീന്ദ്രൻ രണ്ടാം സ്ഥാനവും നേടി.