പൊൻകുന്നം: പുതിയകാവ് ദേവിക്ഷേത്രത്തിൽ ഉത്സവം 13 മുതൽ 18 വരെ നടക്കും. കൊവിഡ് നിയന്ത്രണങ്ങൾ മൂലം കലാപരിപാടികൾ ഒഴിവാക്കി ഉത്സവച്ചടങ്ങ് മാത്രമാണ് നടത്തുന്നത്. 13 ന് വൈകിട്ട് 4.30 ന് ചിറക്കടവ് വടക്കുംഭാഗം 679ാം നമ്പർ എൻ.എസ്.എസ് കരയോഗത്തിൽ നിന്ന് കൊടിയെഴുന്നള്ളിപ്പ്. 5.15ന് കൊടിയേറ്റ്. 14 മുതൽ 17 വരെ 8.30ന് ശ്രീബലി, 11ന് ഉത്സവബലി, 1 ന് ഉത്സവബലിദർശനം, 4.30 ന് കാഴ്ചശ്രീബലി. 18ന് കുംഭഭരണി നാളിലാണ് കുംഭകുടവും ആറാട്ടും. കൊവിഡ് നിയന്ത്രണങ്ങൾ മൂലം മുൻവർഷത്തേതുപോലെ വിവിധ പ്രദേശങ്ങളിൽ നിന്നുള്ള കുംഭകുട ഘോഷയാത്രകൾ ഉണ്ടാകില്ല. പകരം ക്ഷേത്രത്തിന് കിഴക്കേ ആൽത്തറയിൽ കുംഭകുടം നിറയ്ക്കും. ചേലത്തറ, കോയിപ്പള്ളി, മൂലകുന്ന്, അട്ടിക്കൽ, തോണിപ്പാറ, ഇടത്തംപറമ്പ് എന്നിവിടങ്ങളിൽ നിന്നുള്ള ഭക്തർ ഇവിടെ കുംഭകുടം നിറച്ച് ക്ഷേത്രത്തിന് വലംവെച്ച് അഭിഷേകം നടത്തണം. 18ന് വൈകിട്ട് 5ന് ചിറക്കടവ് മഹാദേവക്ഷേത്രത്തിലെ ചിറയിലേക്ക് ആറാട്ടിന് രഥത്തിലാണ് ദേവിയെ എഴുന്നള്ളിക്കുന്നത്. രാത്രി 9ന് കൊടിയിറക്ക്.