വൈക്കം : കടുത്തുരുത്തി തളിയിൽ മഹാദേവക്ഷേത്രത്തിലെ ദ്റവ്യകലശവും ഉപദേവാലയങ്ങളുടെ പുന:പ്രതിഷ്ഠയും 14 മുതൽ 17 വരെ നടക്കും. മനയത്താ​റ്റില്ലത്ത് ചന്ദ്രശേഖരൻ നമ്പൂതിരി, മനയത്താ​റ്റ് ബ്രീജേഷ് നീലകണ്ഠൻ നമ്പൂതിരി എന്നിവരുടെ മുഖ്യകാർമ്മികത്വത്തിലാണ് ചടങ്ങുകൾ നടക്കുക. മഹാദേവന്റെ പുന:പ്രതിഷ്ഠാ ഉത്സവത്തോടനുബന്ധിച്ച് 16 ന് രാവിലെ മുതൽ ദ്റവ്യകലശം നടക്കും. 17ന് രാവിലെ ഏഴിനും 8.10നും മധ്യേയാണ് പുനപ്രതിഷ്ഠാ ചടങ്ങുകൾ നടക്കുക. ക്ഷേത്രത്തിലെ സ്വർണ്ണ കൊടിമര നിർമാണത്തിനു മുന്നോടിയായി ഉപദേവാലയങ്ങളായ ഏ​റ്റുമാനൂരപ്പൻ, വൈക്കത്തപ്പൻ, യക്ഷി, ഭഗവതിത്തറ, ബ്രഹ്മരക്ഷസ്, സർപ്പസങ്കേതം എന്നിവയുടെ ശ്രീകോവിലുകളുടെ പുനരുദ്ധാരണവും അ​റ്റകു​റ്റപ്പണികളും പൂർത്തിയായി. കൊവിഡ് മാനദണ്ഡങ്ങൾ പാലിച്ചു കൊണ്ടായിരിക്കും ചടങ്ങുകൾ നടക്കുകയെന്നു ക്ഷേത്രോപദേശക സമിതി പ്രസിഡന്റ് ടി.ആർ. ശ്രീകുമാർ തെക്കേടത്ത്, വൈസ് പ്രസിഡന്റ് എം.കെ. സാംബജി, സെക്രട്ടറി പി.ടി. വേണു എന്നിവർ അറിയിച്ചു.