കോട്ടയം : മന്ത്രിമാരുടെ നേതൃത്വത്തിൽ നടത്തുന്ന സാന്ത്വന സ്പർശം പരിപാടിയിലെ രണ്ടാമത്തെ അദാലത്ത് 16 ന് നെടുംകുന്നം സെന്റ് ജോൺ ദ ബാപ്റ്റിസ്റ്റ് ബൈസെന്റിനറി പാസ്റ്ററൽ സെന്ററിൽ നടക്കും. നേരത്തെ കറുകച്ചാലിൽ നടത്താൻ നിശ്ചയിച്ചിരുന്ന അദാലത്തിന്റെ വേദി മാറ്റുകയായിരുന്നു. രാവിലെ 9 മുതൽ 1 വരെ ചങ്ങനാശേരി താലൂക്കിലെയും ഉച്ചകഴിഞ്ഞ് 2 മുതൽ വൈകിട്ട് 5.30 വരെ കാഞ്ഞിരപ്പള്ളി താലൂക്കിലെയും പരാതികളാണ് പരിഗണിക്കുക. സാന്ത്വന സ്പർശം പരിപാടിക്ക് ജില്ലയിൽ തുടക്കം കുറിക്കുന്ന 15ന് കോട്ടയം മാമ്മൻ മാപ്പിള ഹാളിലാണ് ആദ്യ അദാലത്ത് നടക്കുക. രാവിലെ ഒൻപതു മുതൽ 12.30 വരെ മീനച്ചിൽ താലൂക്കിലെയും ഉച്ചക്ക് 1.30 മുതൽ വൈകന്നേരം 5.30 വരെ കോട്ടയം താലൂക്കിലെയും പരാതികൾ പരിഗണിക്കും. മൂന്നാമത്തെ അദാലത്ത് 18 ന് രാവിലെ 9.30 മുതൽ വൈകിട്ട് 5 വരെ വൈക്കം നാനാടം ആതുരാശ്രമം ആഡിറ്റോറിയത്തിൽ നടക്കും. വൈക്കം താലൂക്കിലെ പരാതികളാണ് ഇവിടെ പരിഗണിക്കുക. മന്ത്രിമാരായ പി. തിലോത്തമൻ, ഡോ. കെ.ടി. ജലീൽ, കെ. കൃഷ്ണൻകുട്ടി എന്നിവർ നേതൃത്വം നൽകും.