കുമരകം:ഏറ്റുമാനൂർ ഭക്ഷ്യ സുരക്ഷാ സർക്കിളിന് കീഴിൽ പ്രവർത്തിക്കുന്ന മുഴുവൻ വഞ്ചിവീടുകൾക്കും ഭക്ഷ്യ സുരക്ഷാ ഗുണനിലവാര നിയമത്തിന്റെ അടിസ്ഥാനത്തിൽ ഭക്ഷ്യ സുരക്ഷാ രജിസ്ട്രേഷൻ നൽകി. വഞ്ചിവീട് ഉടമസ്ഥർക്കായി ചീപ്പുങ്കൽ നടത്തിയ അവബോധന ക്ലാസിൽ പങ്കെടുത്തവർക്കാണ് രജിസ്ട്രേഷൻ നൽകിയത്.വഞ്ചി വീടുകളിൽ പാകം ചെയ്ത്‌ നൽകുന്ന ഭക്ഷണത്തിന്റെ ഗുണനിലവാരം സംബന്ധിച്ച് ആവശ്യമായ പരിശോധനകൾ നടത്തുമെന്ന് ഭക്ഷ്യസുരക്ഷാ അസി.കമ്മീഷണർ പി .ഉണ്ണികൃഷ്ണൻ നായർ പറഞ്ഞു.ചടങ്ങിൽ ഭക്ഷ്യ സുരക്ഷാ ഓഫീസർ ഡോ.തെരസ് ലിൻ ലൂയിസ്, ഹൗസ് ബോട്ട് ഓണേഴ്സ് സൊസൈറ്റി പ്രസിഡൻ്റ് ഷനേജ് കുമാർ ഇന്ദ്രപ്രസ്ഥ, സെക്രട്ടറി പി.വി.റോയി രാജധാനി എന്നിവർ പങ്കെടുത്തു.