ചങ്ങനാശേരി: സംഘടനകൊണ്ട് ശക്തരാകുവിൻ എന്ന് അരുൾ ചെയ്തതിന്റെ 94ാമത് വാർഷികാഘോഷങ്ങളുടെ ഭാഗമായി എസ്.എൻ.ഡി.പി യോഗം ചങ്ങനാശേരി യൂണിയന്റെ നേതൃത്വത്തിൽ ആറ് മേഖല സമ്മേളനങ്ങൾക്ക് തുടക്കം കുറിച്ചു.
കിടങ്ങറ മേഖലയിൽ നേതൃസമ്മേളനം 28ന് ഉച്ചക്കഴിഞ്ഞ് 2.30ന് 772ാം നമ്പർ ശാഖാ ഹാളിൽ നടക്കും. സമ്മേളനം യൂണിയൻ പ്രസിഡന്റ് ഗിരീഷ് കോനാട്ട് ഉദ്ഘാടനം ചെയ്യും. യൂണിയൻ സെക്രട്ടറി സുരേഷ് പരമേശ്വരൻ അദ്ധ്യക്ഷത വഹിക്കും. യൂണിയൻ വൈസ് പ്രസിഡന്റ് പി എം ചന്ദ്രൻ മുഖ്യപ്രസംഗം നടത്തും. ഡയറക്ടർ ബോർഡ് മെമ്പർ എൻ നടേശൻ, നിയുക്ത ബോർഡ് മെമ്പർ സജീവ് പൂവത്ത് എന്നിവർ ആശംസ, യൂണിയൻ കൗൺസിലമാരായ പി ബി രാജീവ്, പ്രതാപൻ, സി ജി രമേശ്, സുഭാഷ്, യൂണിയൻ പഞ്ചായത്ത് കമ്മറ്റി അംഗങ്ങളായ കെ ജി പ്രസന്നൻ, അസിം വി പണിക്കർ, ലത സലി, ശോഭാ ജയചന്ദ്രൻ, ലളിതമ്മ, രാജമ്മ ടീച്ചർ, അനിൽ കണ്ണാടി, അജിത്ത് മോഹൻ, രമേശ് കോച്ചേരിൽ, ഷിബു ശാന്തികൾ, സുധീഷ് സുഗതൻ, പി എസ് കൃഷ്ണൻകുട്ടി എന്നിവർ പങ്കെടുക്കും. മേഖല കൗൺസിലർ സാലിച്ചൻ സ്വാഗതവും യൂണിയൻ കൗൺസിലർ അജയകുമാർ നന്ദിയും പറയും.