കോട്ടയം: ജില്ലയിൽ 506 പേർക്ക് കൂടി കോവിഡ് സ്ഥിരീകരിച്ചു. 502 പേർക്കും സമ്പർക്കം മുഖേനയാണ് വൈറസ് ബാധിച്ചത്. ഇതിൽ ഒരു ആരോഗ്യപ്രവർത്തകനും ഉൾപ്പെടുന്നു. പുതിയതായി 4792 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 225 പുരുഷൻമാരും 231 സ്ത്രീകളും 50 കുട്ടികളും ഉൾപ്പെടുന്നു. 60 വയസിനു മുകളിലുള്ള 49 പേർക്ക് കൊവിഡ് സ്ഥിരീകരിച്ചിട്ടുണ്ട്. 287 പേർ രോഗമുക്തരായി. 4935 പേരാണ് നിലവിൽ ചികിത്സയിലുള്ളത്. ഇതുവരെ ആകെ 75804 പേർ കൊവിഡ് ബാധിതരായി. 70681 പേർ രോഗമുക്തി നേടി. ജില്ലയിൽ ആകെ 18997 പേർ ക്വാറന്റൈനിൽ കഴിയുന്നുണ്ട്.