അടിമാലി: അടിമാലി എസ്.എൻ.ഡി.പി. വൊക്കേഷണൽ ഹയർ സെക്കന്ററി വിഭാഗത്തിന്റെ പുതിയ കെട്ടിടത്തിന്റെ നിർമ്മാണ ഉദ്ഘാടനം എസ്. രാജേന്ദ്രൻ നിർവ്വഹിച്ചുഎം.എൽ. എ . യോഗത്തിൽ മാനേജ്‌മെന്റ് പ്രതിനിധിയും രാജാക്കാട് എസ്.എൻ.ഡി.പി.യൂണിയൻ പ്രസിഡന്റുമായ എം.ബി.ശ്രീകുമാർ അദ്ധ്യക്ഷത വഹിച്ചു.അടിമാലി ഗ്രാമപഞ്ചായത്ത് പ്രസിഡന്റ് ഷേർളി മാത്യു മുഖ്യ പ്രഭാഷണം നടത്തി. വിരമിക്കുന്ന ജീവനക്കാർക്ക് ഉപഹാര സമർപ്പണം അടിമാലി യൂണിയൻ പ്രസിഡന്റ് അഡ്വ.പ്രതീഷ് പ്രഭ നിർവ്വഹിച്ചു. ഹയർ സെക്കന്ററി പ്രിൻസിപ്പാൾ കെ.ടി.സാബു, പഞ്ചായത്ത് അംഗം അനസ് ഇബ്രാഹിം ,ബി.എഡ് കോളേജ് പ്രിൻസിപ്പാൾ ഡോ.എ.പ്രമീള,സി.വി. വിദ്യാധരൻ, മിനി സെൽവരാജ് ,വി എച്ച്.എസ്.ഇ പ്രിൻസിപ്പാൾ പി.എൻ. അജിത, സ്റ്റാഫ് സെക്രട്ടറി ഇ.എൻ.ജിഷ മോൾ എന്നിവർ പ്രസംഗിച്ചു.വിരമിക്കുന്ന ഹൈസ്‌കൂൾ ഹെഡ്മിസ്ട്രസ്സ് കെ.ആർ സുനത, വി.എച്ച്.എസ്.ഇ അദ്ധ്യാപകൻ എൽ. അജിമോൻ, ക്ലാർക്ക് റാണി പി.ലക്ഷമണൻ എന്നിവർ മറുപടി പ്രസംഗം നടത്തി.