നെടുങ്കണ്ടം യൂണിയൻ ആസ്ഥാന മന്ദിര സമുച്ചയവും
സഹ്യാദ്രിനാഥ നാരായണ ഗുരുപീഠവും നാടിന് സമർപ്പിച്ചു
നെടുങ്കണ്ടം: ശാന്തമായി ഒഴുകുന്ന കല്ലാർ പുഴയെ സാക്ഷിനിർത്തി, കുടിയേറ്റത്തിന്റെയും കുടിയിരുത്തലിന്റെയും ചരിത്രമുറങ്ങുന്ന കല്ലാറിൽ എസ്.എൻ.ഡി.പി. യോഗം പച്ചടി ശ്രീധരൻ സ്മാരക നെടുങ്കണ്ടം യൂണിയൻ ആസ്ഥാന മന്ദിര സമുച്ചയവും സഹ്യാദ്രിനാഥ നാരായണ ഗുരുപീഠവും നാടിന് സമർപ്പിച്ചു. ആയിരക്കണക്കിന് ശ്രീനാരായണീയരുടെ സംഗമത്തിനാണ് കല്ലാർ സാക്ഷ്യം വഹിച്ചത്. പൊതുസമ്മേളനത്തിന് മന്നോടിയായി കല്ലാർ പാലത്തിൽ നിന്ന് വാദ്യമേളങ്ങളുടെ അകമ്പടിയോടെ ഘോഷയാത്രയായി എസ്.എൻ.ഡി.പി. യോഗം ജനറൽ സെക്രട്ടറി വെള്ളാപ്പള്ളി നടേശൻ, മന്ത്രി എം.എം. മണി, ഡീൻ കുര്യാക്കോസ് എം.പി ഉൾപ്പെടെയുള്ള വിശിഷ്ടാതിഥികളെ വേദിയിലേക്ക് സ്വീകരിച്ചു. ശ്രീനാരായണ ഗുരദേവന്റെ ലോകത്തിലെ ഏറ്റവും ഉയരം കൂടിയ പഞ്ചലോഹ വിഗ്രഹമായ സഹ്യാദ്രിനാഥ നാരായണ ഗുരുപീഠവും തുടർന്ന് 6100 ചതുരശ്ര അടിയിലുള്ള ആസ്ഥാന മന്ദിരവും വെള്ളാപ്പള്ളി നടേശൻ ഉദ്ഘാടനം ചെയ്തു. റെസിഡന്റ്‌സ് അപ്പാർട്ട്‌മെന്റ് ഡീൻ കുര്യാക്കോസ് എം.പിയും യൂത്ത് മൂവ്‌മെന്റ് കേന്ദ്ര കമ്മിറ്റി ചെയർമാൻ സന്ദീപ് പച്ചയിൽ യൂത്ത് മൂവ്‌മെന്റ് ഓഫീസും വനിതാസംഘം കേന്ദ്ര കമ്മിറ്റി സെക്രട്ടറി അഡ്വ. സംഗീത വിശ്വനാഥ്, വനിതാസംഘം ഓഫീസും ഉദ്ഘാടനം ചെയ്തു.
മന്ത്രി എം.എം. മണി സമ്മേളനം ഉദ്ഘാടനം ചെയ്തു. യൂണിയൻ പ്രസിഡന്റ് സജി പറമ്പത്ത് അദ്ധ്യക്ഷത വഹിച്ചു. ഗുരുപ്രകാശം സ്വാമി അനുഗ്രഹ പ്രഭാഷണം നടത്തി. നെടുങ്കണ്ടം ഗ്രാമപഞ്ചായത്ത് പ്രസിഡന്റ് ശോഭന വിജയൻ, പഞ്ചായത്ത് അംഗം ബിന്ദു സഹദേവൻ എന്നിവർ പ്രസംഗിച്ചു. യൂണിയൻ സെക്രട്ടറി സുകുമാരൻ ആടിപ്ലാക്കൽ സ്വാഗതവും വൈസ് പ്രസിഡന്റ് കല്ലാർ രമേശ് നന്ദിയും പറഞ്ഞു. ലേഖ പച്ചടി ശ്രീധരൻ, ബിജു പുളിക്കലേടത്ത്, വിവിധ യൂണിയൻ ഭാരവാഹികളായ എ.ജി. തങ്കപ്പൻ, എം.ബി. ശ്രീകുമാർ, ചെമ്പൻകുളം ഗോപി വൈദ്യർ, ബിജു മാധവൻ, പി. രാജൻ, അഡ്വ. പ്രതീഷ് പ്രഭ, കെ.ഡി. രമേശ്, പി.ആർ. മുരളീധരൻ, സുരേഷ് കോട്ടയ്ക്കകത്ത്, ലതീഷ്‌കുമാർ, വിനോദ് ഉത്തമൻ, വി. ജയേഷ്, കെ.പി. ബിനു, കെ.കെ. ജയൻ തുടങ്ങിയവർ പങ്കെടുത്തു. യോഗം ബോർഡ് അംഗം കെ.എൻ. തങ്കപ്പൻ ആദരിക്കലും പുസ്തക പ്രകാശനവും നിർവഹിച്ചു. യൂണിയൻ കൗൺസിലർമാരായ എൻ. ജയൻ, പി. മധു, സി.എം. ബാബു, സരേഷ് കെ.ബി, യൂണിയൻ പഞ്ചായത്ത് കമ്മിറ്റി അംഗങ്ങളായ സി.ആർ. സജി, ശാന്തമ്മ ബാബു, യൂണിയൻ വനിത സംഘം സെക്രട്ടറി വിമല തങ്കച്ചൻ, പ്രസിഡന്റ് ഇൻ ചാർജ് അനില സുദർശനൻ, യൂത്ത് മൂവ്‌മെന്റ് സെക്രട്ടറി അജീഷ് കല്ലാർ, വൈസ് പ്രസിഡന്റ് അരുൺകുമാർ എന്നിവർ നേതൃത്വം നൽകി.
ഇന്ന് വൈകിട്ട് 4ന് നടക്കുന്ന സ്‌നേഹ സംഗമം യൂണിയൻ പ്രസിഡന്റ് സജി പറമ്പത്ത് ഉദ്ഘാടനം ചെയ്യും. യോഗം ബോർഡ് അംഗം കെ.എൻ. തങ്കപ്പൻ അദ്ധ്യക്ഷത വഹിക്കും. വിവിധ രാഷ്ട്രീയ കക്ഷി നേതാക്കളായ കെ.കെ. ജയചന്ദ്രൻ, ഇബ്രാഹിംകുട്ടി കല്ലാർ, കെ.എസ്. അജി, വി. ജയേഷ്, ജോസ് പാലത്തിനാൽ, പി.കെ. സദാശിവൻ, ആർ. സരേഷ്, പി.എസ്. യൂനുസ്, തോമസ് തെക്കേൽ, സമുദായ സംഘടന പ്രതിനിധികളായ ആർ. മണിക്കുട്ടൻ, ഫാ. ജെയിംസ് ശൗര്യാംകുഴിയിൽ, ശെഖനാത്ത് ഖാസിമി, അജീഷ് മുതുകന്നേൽ, അജയകുമാർ പുത്തൻവീട്, ഫാ. ജിയോ പോൾ, സി.എൻ. ദിവാകരൻ, എം.എസ്. മഹേശ്വരൻ, ഫാ. കുരുവിള അഗസ്റ്റിൻ, പ്രസന്നകുമാർ, ശാർങധരൻ ബിന്ദുവിലാസം, എം.ആർ. രതീഷ്, ആർ. ഷിബു, പി.എസ്. അരുൺ എന്നിവർ പങ്കെടുക്കും.