കോട്ടയം: ജില്ലയിൽ 145 പേർക്ക് കൂടി കോവിഡ് സ്ഥിരീകരിച്ചു. 144 പേർക്കും സമ്പർക്കം മുഖേനയാണ് . സംസ്ഥാനത്തിന് പുറത്തുനിന്നെത്തിയ ഒരാൾ രോഗബാധിതനായി. പുതിയതായി 2010 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 67 പുരുഷൻമാരും 67 സ്ത്രീകളും 11 കുട്ടികളും ഉൾപ്പെടുന്നു. 60 വയസിനു മുകളിലുള്ള 21 പേർക്ക് കൊവിഡ് സ്ഥിരീകരിച്ചിട്ടുണ്ട്. 861 പേർ രോഗമുക്തരായി. 4161 പേരാണ് നിലവിൽ ചികിത്സയിലുള്ളത്. ഇതുവരെ ആകെ 77426 പേർ കൊവിഡ് ബാധിതരായി. 73085 പേർ രോഗമുക്തി നേടി. ജില്ലയിൽ ആകെ 17783 പേർ ക്വാറന്റൈനിൽ കഴിയുന്നുണ്ട്.