വൈക്കം : ഇണ്ടംതുരുത്തി കർത്ത്യായനി ദേവിക്ഷേത്രത്തിലെ ഉത്സവത്തിന് തന്ത്റി മോനാട്ടില്ലത്ത് ചെറിയ കൃഷ്ണൻ നമ്പൂതിരി കൊടിയേ​റ്റി. മോനാട്ടില്ലത്ത് വലിയ കൃഷ്ണൻ നമ്പൂതിരി മുഖ്യകാർമ്മികനായി. മേൽശാന്തി വിഷ്ണു നമ്പൂതിരി,മുരിങ്ങൂർ ഇല്ലത്ത് സുബ്രമണ്യൻ നമ്പൂതിരി, ഗോപാലൻ പോ​റ്റി എന്നിവർ സഹകാർമ്മികത്വം വഹിച്ചു. കൊവിഡ് 19ന്റെ പശ്ചാത്തലത്തിൽ ആഘോഷങ്ങൾ ഒഴിവാക്കി ചടങ്ങുകൾ ലളിതമാക്കി. വിവിധ ദിവസങ്ങളിൽ കുംഭകുടം, താലപ്പൊലി, പൗർണ്ണമിപൂജ എന്നിവ നടക്കും. 28ന് വൈകിട്ട് നടക്കുന്ന ആറാട്ടോടെ ഉത്സവം സമാപിക്കും.