കോട്ടയം: ജില്ലയിൽ 354 പേർക്ക് കൂടി കൊവിഡ് സ്ഥിരീകരിച്ചു. 350 പേർക്കും സമ്പർക്കം മുഖേനയാണ് വൈറസ് ബാധിച്ചത്. സംസ്ഥാനത്തിന് പുറത്ത് നിന്നെത്തിയ നാല് പേർ രോഗബാധിതരായി. പുതുതായി 4794 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരിൽ 175 പുരുഷൻമാരും 141 സ്ത്രീകളും 38 കുട്ടികളും ഉൾപ്പെടുന്നു. 60 വയസിന് മുകളിലുള്ള 75 പേർക്ക് കൊവിഡ് സ്ഥിരീകരിച്ചിട്ടുണ്ട്. 449 പേർ രോഗമുക്തരായി. 4082 പേരാണ് നിലവിൽ ചികിത്സയിലുള്ളത്. ഇതുവരെ ആകെ 78176 പേർ കൊവിഡ് ബാധിതരായി. 73914 പേർ രോഗമുക്തി നേടി. 18007 പേർ ക്വാറന്റൈനിൽ കഴിയുന്നുണ്ട്.