പാലാ:എല്ലാ മണ്ഡലങ്ങളിലും കോടികളുടെ വികസനപദ്ധതികൾ നടപ്പാക്കപ്പെട്ടപ്പോൾ ചിലരുടെ അലംഭാവം മൂലം ജനങ്ങൾക്ക് ലഭിക്കേണ്ടത് പലതും പാലാ മേഖലയിൽ നഷ്ടമായെന്നും ജനങ്ങളെ വഞ്ചിച്ചതിനെതിരെയുള്ള ജനരോഷം തിരഞ്ഞെടുപ്പിൽ പ്രതിഫലിക്കുമെന്നും ജോസ്.കെ.മാണി പറഞ്ഞു.

എലിക്കുളം പഞ്ചായത്തിൽ എൽ.ഡി.എഫ് ജനകീയം പദയാത്രയുടെ സമാപന യോഗത്തിൽ പ്രസംഗിക്കുകയായിരുന്നു ജോസ്.കെ.മാണി.യോഗത്തിൽ പഞ്ചായത്ത് പ്രസിഡന്റ് എസ്.ഷാജി അദ്ധ്യക്ഷത വഹിച്ചു. ബെന്നി മൈലാടൂർ യോഗം ഉദ്ഘാടനം ചെയ്തു. സാജൻ തൊടുക, ജോസ് കുറ്റിയാനിമറ്റം, ജെസ്സി ഷാജൻ, ബെറ്റി റോയി, ഫിലിപ്പ് കുഴികുളം, തോമസ് കുട്ടി വട്ടയ്ക്കാട്ട് എന്നിവർ പ്രസംഗിച്ചു.