ശരീരത്തിന്റെ ശരിയായ പ്രവർത്തനത്തിന് അനിവാര്യമായ കൊഴുപ്പുകളിൽ പ്രധാനപ്പെട്ടതാണ് ഒമേഗ ഫാറ്റി ആസിഡ്. ശരീരത്തിൽ ഉത്പാദിപ്പിക്കപ്പെടാത്തതിനാൽ ഒമേഗ -3 ഫാറ്റി ആസിഡുകൾ ഭക്ഷണത്തിലൂടെയാണ് ലഭിക്കുന്നത് .

ഒമേഗ -3 യുടെ അപര്യാപ്തത ക്ഷീണം,​ ഉറക്കക്കുറവ്, കുട്ടികളിലെ ഏകാഗ്രതക്കുറവ്,​ സന്ധിവേദന,​ മലബന്ധം എന്നിവയ്ക്ക് കാരണമാകുന്നു. മതിയായ അളവിൽ ഒമേഗ -3 ഉറപ്പാക്കുന്നത് ചെവിയുമായി ബന്ധപ്പെട്ട രോഗങ്ങളിൽ നിന്ന് സംരക്ഷിക്കും. ഹൃദയാരോഗ്യത്തിന് ഒമേഗ 3 നിർണായകമാണെന്ന് ഗവേഷണങ്ങൾ വ്യക്തമാക്കുന്നു. ഹൃദയസംബന്ധമായ പ്രശ്നങ്ങൾ നേരിടുന്നവർ ഈ സുപ്രധാന പോഷകത്തിന്റെ അളവ് വർദ്ധിപ്പിക്കണം ദോഷകരമായ കൊളസ്ട്രോൾ നിയന്ത്രിക്കാനും ഇത് സഹായകമാണ്. ചർമ്മ സംരക്ഷണം,​ മുടി,​നഖം എന്നിവയുടെ ആരോഗ്യത്തിനും ഒമേഗ -3 വഹിക്കുന്ന പങ്ക് ചെറുതല്ല. മത്തി,​ അയല,​ കക്കയിറച്ചി,​ മുട്ട,​ കാബേജ്,​ ഉഴുന്ന് ,​ സോയാബീൻ എന്നീ ഭക്ഷ്യ വസ്തുക്കളിലാണ് ഒമേഗ 3 ഫാറ്റി ആസിഡ് ധാരാളമായി അടങ്ങിയിട്ടുള്ളത്.