തിരുവനന്തപുരം:സംസ്ഥാനത്ത് ആർ ടി പി സി ആർ പരിശോധന കൂട്ടണമെന്ന മുഖ്യമന്ത്രി പിണറായി വിജയന്റെ നിർദേശത്തെ തള്ളി ആരോഗ്യവകുപ്പ്. ആന്റിജൻ പരിശോധനയാണ് ഫലപ്രദമെന്നും, ആർ ടി പി സി ആർ പരിശോധന കൂട്ടുന്നത് അധികഭാരമാണെന്നും ആരോഗ്യവകുപ്പിന്റെ റിപ്പോർട്ടിൽ പറയുന്നു.

നാല് ജില്ലകളിൽ കൊവിഡ് വ്യാപനം കൂടിയെന്ന് ആരോഗ്യവകുപ്പിന്റെ പ്രതിവാര റിപ്പോർട്ടിൽ പറയുന്നു. പ്രതിദിനം ഒരു ലക്ഷം പരിശോധന നടത്തുമെന്ന് സർക്കാർ നേരത്തെ അറിയിച്ചിരുന്നെങ്കിലും ഇതുവരെ നടപ്പായിട്ടില്ല. ഇന്നലെ 33,579 പരിശോധനകളുടെ ഫലം മാത്രമാണ് വന്നത്.