തിരുവനന്തപുരം : സ്​​കൂ​ൾ കാ​യി​ക മേ​ള​ക​ളി​ലെ ജമ്പിംഗ് പിറ്റിൽ മിന്നിയ കോഴിക്കോട്ടുകാരി ലി​സ്​​ബ​ത്ത്​ ക​രോ​ളി​ൻ ജോ​സ​ഫി​ന്റെ അടുത്ത ചാട്ടം അമേരിക്കയിലേക്കാണ്; അതും 1.64 കോടി രൂപ സ്കോളർഷിപ്പും സ്വന്തമാക്കിക്കൊണ്ട്. അ​മേ​രി​ക്ക​യിലെ വി​ർ​ജീ​നി​യ ലി​ഞ്ച്​​ബ​ർ​ഗ് ലി​ബ​ർ​ട്ടി സ​ർ​വ​ക​ലാ​ശാ​ല​യാ​ണ്​ ലിസ്ബത്തിന്റെ മികവ് കണ്ട് ക്ഷണിച്ചിരിക്കുന്നത്.രണ്ടുവർഷത്തിനിടെ രണ്ടാം വട്ടവും ക്ഷണമെത്തിയതോടെയാണ് ലിസ്ബത്ത് പോകാൻ തീരുമാനിച്ചത്.

2018ൽ ​നെയ്റോ​ബി​യി​ൽ ന​ട​ന്ന ലോ​ക സ്​​കൂ​ൾ അത്‌ലറ്റിക്സ് മീ​റ്റി​ൽ ട്രി​പ്പിൾ ജമ്പിൽ ലി​സ്​​ബ​ത്തി​‍ന്റെ പ്ര​ക​ട​നം ക​ണ്ടാ​ണ്​ ലി​ബ​ർ​ട്ടി സ​ർ​വ​ക​ലാ​ശാ​ല​യി​ലെ പ​രി​ശീ​ല​ക​ർ ആദ്യം സ​മീ​പി​ച്ച​ത്. 2015-16ൽ ​കോ​ഴി​ക്കോ​ട്ട്​ ന​ട​ന്ന ദേ​ശീ​യ സ്​​കൂ​ൾ കാ​യി​ക​മേ​ള​യി​ൽ നേ​ടി​യ മൂ​ന്നു സ്വ​ർ​ണ​മ​ട​ക്കം നി​ര​വ​ധി മെ​ഡ​ലു​ക​ൾ നേ​ടി​യി​ട്ടു​ണ്ട്. ദേ​ശീ​യ ജൂ​നി​യ​ർ മീ​റ്റു​ക​ളി​ലും മെ​ഡ​ൽ വേ​ട്ട​ക്കാ​രി​യാ​ണ്. പു​ല്ലൂ​രാം​പാ​റ സെൻറ്​ ജോ​സ​ഫ്​​സ്​ സ്​​കൂ​ളി​ൽ​നി​ന്ന്​ കാ​യി​ക രം​ഗ​ത്തെ​ത്തി​യ ലി​സ്​​ബ​ത്ത്​ മ​ല​ബാ​ർ സ്​​പോ​ർ​ട്​​സ്​ അ​ക്കാ​ദ​മി​യി​ൽ ടോ​മി ചെ​റി​യാ​ന്​ കീ​ഴി​ലാ​യി​രു​ന്നു പ​രി​ശീ​ലി​ച്ച​ത്. പു​ല്ലൂ​രാം​പാ​റ കൊ​ല്ലി​ത്താ​നം സ​ജി​യു​ടെ​യും ലെ​ൻ​സി​യു​ടെ​യും മ​ക​ളാ​ണ്. ഇ​ള​യ സ​ഹോ​ദ​രി​മാ​രാ​യ ആ​ൻ ടെ​ൻ​സ്​ ജോ​സ​ഫും പി​ലോ എ​യ്​​ഞ്ച​ൽ ജോ​സ​ഫും കാ​യി​ക താ​ര​ങ്ങ​ളാ​ണ്.

കാ​യി​ക പ​രി​ശീ​ല​ന​ത്തി​നും ബി​സി​ന​സ്​ അ​ഡ്​​മി​നി​സ്​​ട്രേ​ഷ​ൻ പ​ഠ​ന​ത്തി​നു​മാ​യി 1.64 കോ​ടി രൂ​പ​യാ​ണ്​ സ​ർ​വ​ക​ലാ​ശാ​ല ചെ​ല​വ​ഴി​ക്കു​ക. പാ​ലാ അ​ൽ​ഫോ​ൻ​സ കോ​ള​ജി​ൽ മൂ​ന്നാം വ​ർ​ഷ ബി​രു​ദ വി​ദ്യാ​ർ​ഥി​നി​യാ​ണ്​ ലി​സ്​​ബ​ത്ത്.വി​സ ഇ​ൻ​റ​ർ​വ്യൂ ക​ട​ന്ന ലി​സ്​​ബ​ത്ത്​ ഈ ​ആ​ഴ്​​ച അ​മേ​രി​ക്ക​യി​ലേ​ക്ക്​ പ​റ​ക്കും.