തിരുവനന്തപുരം : വരുന്ന നിയമസഭാതിരഞ്ഞെടുപ്പിൽ മത്സരിക്കുമെന്ന് പ്രഖ്യാപിച്ച് മുൻ ഡി.ജി.പി ജേക്കബ് തോമസ്. ബി.ജെ.പി സ്ഥാനാർത്ഥിയായി മത്സരിക്കുമെന്ന് അദ്ദേഹം പറഞ്ഞു. മണ്ഡലമേതാണെന്ന് പാർട്ടി തീരുമാനിക്കുമെന്നും ജേക്കബ് തോമസ് വ്യക്തമാക്കി.. നേരത്തെ സ്രാവുകൾക്കൊപ്പം നീന്തിയപ്പോൾ ശിക്ഷിക്കപ്പെട്ടു..ഇനി ജനങ്ങൾക്കൊപ്പം നീന്തുമെന്നും അദ്ദേഹം പറഞ്ഞു. എൽ..ഡി..എഫും യു.ഡി.എഫും വികസനകാര്യത്തിൽ പാരജയമാണെന്നും അദ്ദേഹം ഒരു ചാനലിനോട് പ്രതികരിച്ചു.

നേരത്തെ ജേക്കബ് തോമസ്. ഇരിങ്ങാലക്കുടയിൽനിന്ന് എൻ.ഡി.എ. സ്ഥാനാർഥിയായി മത്സരിക്കുമെന്ന ് വാർത്തകൾ പുറത്തുവന്നിരുന്നു. കഴിഞ്ഞ ലോക്സഭാ തിരഞ്ഞെടുപ്പിൽ ട്വന്റി20യുടെ സ്ഥാനാർത്ഥിയായി ചാലക്കുടിയിൽ നിന്ന് ജനവിധി തേടാൻ ഒരുങ്ങിയിരുന്നുവെങ്കിലും സംസ്ഥാന സർക്കാർ വി.ആർ.എസ്. അംഗീകരിക്കാതിരുന്നതിനാൽ ജേക്കബ് തോമസിന് അതിന് കഴിഞ്ഞിരുന്നില്ല..