ലണ്ടൻ: കൊവിഡ് വ്യാപനം തടയുന്നതിൽ ഓക്സ്ഫഡ്- അസ്ട്രാസിനിക്ക വാക്സിനുകൾക്ക് കഴിയുമെന്ന് പുതുയ പഠനം. ഒരു ഡോസിൽ തന്നെ വൈറസിൽ നിന്ന് മികച്ച പ്രതിരോധം നേടാൻ കഴിയുമെന്ന് പഠനത്തിൽ തെളിഞ്ഞതായി അധികൃതർ പറഞ്ഞു. ആദ്യഡോസിൽ തന്നെ 76 ശതമാനത്തോളം വാക്സിൻ ഫലപ്രദമാണ്. ബ്രിട്ടൻ, ദക്ഷിണാഫ്രിക്ക, ബ്രസീൽ എന്നീ രാജ്യങ്ങളിലെ പതിനേഴായിരത്തോളം പേരിലാണ് പഠനം നടന്നത്. വൈറസ് വ്യാപനം മൂന്നിലൊന്നായി കുറയ്ക്കാൻ വാക്സിന് സാധിക്കും. അദ്യഡോസിൽ തന്നെ ഇത്രയും രോഗപ്രതിരോധശേഷി ലഭിച്ചതിനാൽ കൂടുതൽ പേരിലേക്ക് വാക്സിൻ എത്തിക്കാനാണ് ശ്രമം. പുതിയ പഠനം സന്തോഷം നൽകുന്നുണ്ട്. ബ്രിട്ടീഷ് ഹെൽത്ത് സെക്രട്ടറി മാറ്റ് ഹാൻകോക്ക് അറിയിച്ചു.

ഓക്സ്ഫഡ് വാക്സിൻ പ്രായംചെന്നവരിൽ ഉപയോഗിക്കാമോ എന്നതുമായി ബന്ധപ്പെട്ട ചർച്ചകൾ നടക്കുന്നതിനിടെയാണ് വാക്സിന്റെ പ്രതിരോധശേഷിയെക്കുറിച്ച് റിപ്പോർട്ട് പുറത്തുവരുന്നത്. എന്നാൽ 65 വയസ്സിന് മുകളിൽ പ്രായമുള്ളവർക്ക് ഓക്സ്ഫഡ് വാക്സിൻ നൽകില്ലെന്ന് ജർമ്മനിയും 55 വയസിന് മുകളിൽ ഉള്ളവർക്ക് വാക്സിൻ ശുപാർശ ചെയ്യില്ലെന്ന് ഇറ്റലിയും വ്യക്തമാക്കിയിരുന്നു.