ഇറ്റലി : 13 വയസ്സിൽ താഴെയുള്ള കുട്ടികൾക്ക് ടിക്ക്‌ടോക്ക് നിരോധിക്കാനൊരുങ്ങി ഇറ്റലി. ടിക്ക്ടോക്കിലെ ഒരു ചലഞ്ച് ചെയ്ത 10 വയസ്സുള്ള പെൺകുട്ടി മരണപ്പെട്ട സംഭവത്തെ തുടർന്നാണ് ആപ്പ് നിരോധനത്തിന് ടിക്ക്ടോക്ക് അധികൃതർ തയാറെടുക്കുന്നത്. ടിക്ക് ടോക്ക് ആപ്പാണ് കുട്ടിയുടെ മരണത്തിനു കാരണമെന്ന് കോടതി അറിയിച്ചു..

ഫെബ്രുവരി 9 മുതൽ 13 വയസ്സിൽ താഴെയുള്ള കുട്ടികൾക്ക് ആപ്പ് നിരോധിക്കുമെന്ന് ടിക്ക്‌ടോക്ക് അറിയിച്ചു. 13 വയസ്സെങ്കിലും പ്രായമുണ്ടെന്ന് തെളിയിക്കുന്നവർക്കേ ഇനി മുതൽ ആപ്പ് ഉപയോഗിക്കാൻ കഴിയൂ.

ലോക്ക്ഡൗണിൽ ഇറ്റലിയിൽ ഏറ്റവുമധികം പ്രശസ്തമായ ആപ്പാണ് ടിക്ക്‌ടോക്ക്.