പലരിലും കണ്ടുവരുന്ന ആരോഗ്യപ്രശ്നമാണ് പേശീവേദന. പലപ്പോഴും നിസാരമായെടുക്കുന്ന പേശീവേദന ഫൈബ്രോമയാൾജിയ എന്ന രോഗാവസ്ഥയ്ക്ക് കാരണമായേക്കാം. മാറ്റമില്ലാതെ തുടരുന്ന ശരീരവേദന,​ തലവേദന,​ വിഷാദ രോഗം,​ കൈകാലുകളിൽ അനുഭവപ്പെടുന്ന മരവിപ്പ്,​ എന്നിവയാണ് പ്രധാന ലക്ഷണങ്ങൾ.

ശരീരത്തിന്റെ ഇരുവശങ്ങളിൽ തുടർച്ചയായി വേദന മാസങ്ങളോളം തുടരുന്നത് ഫൈബ്രോമയാൾജിയയുടെ ലക്ഷണങ്ങളാണ്. സ്ത്രീകളിലാണ് രോഗം കൂടുതലായി കാണപ്പെടുന്നത്. ഫൈബ്രോമയാൾജിയയുടെ ഒരു പ്രധാന ലക്ഷണമാണ് ഉത്കണ്ഠ. ഒരു കാര്യങ്ങളിലും താത്പര്യമില്ലായ്മ,​ ഉറക്കക്കുറവ്,​ എന്നിവ ദൈനംദിന ജീവിതത്തെത്തന്നെ സാരമായി ബാധിക്കുന്നു.

അതിനാൽ തുടക്കത്തിൽ തന്നെ ഡോക്ടറെക്കണ്ട് വിദഗ്ധ ചികിത്സ തേടേണ്ടത് അത്യാവശ്യമാണ്. ഈ രോഗമുള്ളവർ ചായ,​ കാപ്പി ,​ ഫാസ്റ്റ്ഫുഡ്,​ തക്കാളി തുടങ്ങിയ ഭക്ഷ്യവസ്തുക്കൾ ഒഴിവാക്കേണ്ടതാണ്. ഡോക്ടറുടെ നിർദ്ദേശ പ്രകാരമുള്ള ചികിത്സയിലൂടെയും ജീവിത രീതികളിലെ മാറ്റത്തിലൂടെയും കൃത്യമായ വ്യായാമത്തിലൂടെയും ഈ രോഗം പൂർണമായും ഭേദമാക്കാം.