ഒരു ചിത്രം കഴിഞ്ഞ രണ്ട് ദിവസങ്ങളായി സോഷ്യൽ മീഡിയയിൽ കൺഫ്യൂഷൻ ഉണ്ടാക്കിക്കൊണ്ടിരിക്കുകയാണ്. ഒറ്റനോട്ടത്തിൽ മഞ്ഞുമൂടിയ പ്രദേശത്ത് കൂടി കറുത്ത കമ്പിളി വസ്ത്രം ധരിച്ച ഒരാൾ ഓടുന്നതായി തോന്നുമെങ്കിലും,സൂക്ഷിച്ചുനോക്കിയാൽ ചിത്രത്തിലുള്ളത് ഒരു മനുഷ്യനല്ല, മൃഗമാണെന്നും സംശയം ഉണ്ടാകും.

മാദ്ധ്യമപ്രവർത്തകനായ നിക്കോളാസ് തോംസൺ ആണ് ചിത്രം ട്വിറ്ററിൽ പങ്കുവച്ചിരിക്കുന്നത്. രണ്ട് ലക്ഷത്തിലധികം ലൈക്കുകളും 30,000 റീട്വീറ്റുകളുമാണ് ചിത്രത്തിന് ഇതുവരെ കിട്ടിയത്. ചിലർ ഇത് മനുഷ്യനാണെന്നും, മറ്റു ചിലർ മൃഗമാണെന്നും പറയുന്നു.

An optical illusion for tonight. First you see a man running into the snow ... and then ... pic.twitter.com/R9Lj1mlR5X

— nxthompson (@nxthompson) February 4, 2021

'അത് എന്താണെന്ന് എനിക്കറിയില്ല, പക്ഷേ ഇത് ഒരു മനുഷ്യനല്ല,' ഒരു ഉപയോക്താവ് പറഞ്ഞു. ഭീമാകാരമായ നായ്ക്കളുടെ തല പുറത്തുവരുന്നു എന്ന് മറ്റൊരാൾ പറയുന്നു. യഥാർത്ഥത്തിൽ ചിത്രത്തിൽ ഉള്ളത് എന്താണെന്ന കാര്യത്തിൽ ഇതുവരെ വ്യക്തത വന്നിട്ടില്ല.

I don't know what that is, but it's not a man 😳 pic.twitter.com/hkjZW9ca0s

— jeremiah matthew (@faulty_puppet) February 4, 2021