​ ​പത്ത് മൃതദേഹങ്ങൾ കണ്ടെടുത്തു
​ ​ഋ​ഷി​കേ​ശി​ലും​ ​ഹ​രി​ദ്വാ​റി​ലും​ ​ജാ​ഗ്രത
​ ​ന​ദീ​തീ​ര​ങ്ങ​ളി​ലെ​ ​ഗ്രാ​മ​ങ്ങ​ൾ​ ​ഒ​ഴി​പ്പി​ച്ചു

ഡെ​റാ​ഡൂ​ൺ​:​ ​ഹി​മാ​ല​യ​ ​സം​സ്ഥാ​ന​മാ​യ​ ​ഉ​ത്ത​രാ​ഖ​ണ്ഡി​ലെ​ ​ജോ​ഷി​മ​ഠി​ൽ​ ​ഭീ​മ​ൻ​ ​മഞ്ഞുമല ​ഇ​ടി​ഞ്ഞു​വീ​ണ് ​ധൗ​ളി​ഗം​ഗാ​ ​ന​ദി​യി​ലു​ണ്ടാ​യ​ ​മി​ന്ന​ൽ​പ്ര​ള​യ​ത്തി​ൽ​ ​അ​ണ​ക്കെ​ട്ടു​ ​ത​ക​ർ​ന്ന്,​ ​കു​റ​ഞ്ഞ​ത് 150​ ​പേ​ർ​ ​ഒഴുകി​പ്പോയി​. ന​ദി​യി​ൽ​ ​നി​ന്ന് 10​ ​മൃ​ത​ദേ​ഹ​ങ്ങ​ൾ​ ​ക​ണ്ടെ​ടു​ത്തു. ​ ​ഒ​ഴു​ക്കി​ൽ​ ​കാ​ണാ​താ​യ​വ​ർ​ക്കാ​യി​ ​ഇ​പ്പോ​ഴും​ ​തി​ര​ച്ചി​ൽ​ ​തു​ട​രു​ക​യാ​ണ്.​ ​
പ്ര​ള​യ​ത്തി​ൽ​ 125​ ​പേ​രെ​ ​കാ​ണാ​താ​യെ​ന്നാ​ണ് ​ഔ​ദ്യോ​ഗി​ക​ ​അ​റി​യി​പ്പെ​ങ്കി​ലും​ ​കു​ത്തൊ​ഴു​ക്കി​ൽ​ ​150 പേരെങ്കി​ലും​ ​അ​ക​പ്പെ​ട്ടി​ട്ടു​ണ്ടെ​ന്നും,​ ​ഇ​വ​ർ​ ​ര​ക്ഷ​പ്പെ​ട്ടി​രി​ക്കാ​ൻ​ ​സാ​ദ്ധ്യ​ത​ ​വി​ര​ള​മാ​ണെ​ന്നും​ ​ര​ക്ഷാ​പ്ര​വ​ർ​ത്ത​ന​ത്തി​ന് ​നേ​തൃ​ത്വം​ ​ന​ൽ​കു​ന്ന​ ​ദു​ര​ന്ത​ ​നി​വാ​ര​ണ​ ​സേ​ന​ ​അ​റി​യി​ച്ചു.​ ന​ദി​യു​ടെ​ ​പ്ര​വാ​ഹ​പാ​ത​യി​ലെ​ ​തീ​ര​ഗ്രാ​മ​ങ്ങ​ളി​ൽ​ ​നി​ന്ന് ​ആ​ളു​ക​ളെ​ ​ഒ​ഴി​പ്പി​ച്ചി​ട്ടു​ണ്ടെ​ങ്കി​ലും​ ​പ്ര​ള​യം​ ​ക​ന​ത്ത​ ​നാ​ശം​ ​വി​ത​ച്ചേ​ക്കു​മെ​ന്നാ​ണ് ​ആ​ശ​ങ്ക.​ ​ 2013​-​ൽ​ ​ഉ​ത്ത​രാ​ഖ​ണ്ഡി​ൽ​ ​മേ​ഘ​വി​സ്ഫോ​ട​ന​ ​പ്ര​തി​ഭാ​സ​ത്തെ​ ​തു​ട​ർ​ന്നു​ണ്ടാ​യ​ ​പേ​മാ​രി​യി​ലും​ ​മ​ണ്ണി​ടി​ച്ചി​ലി​ലും​ ​ആ​റാ​യി​ര​ത്തോ​ളം​ ​പേ​ർ​ ​മ​ര​ണ​മ​ട​ഞ്ഞി​രു​ന്നു. ച​മോ​ലി​ ​ജി​ല്ല​യി​ൽ​ ​ത​പോ​വ​ൻ​ ​പ്ര​ദേ​ശ​ത്തെ​ ​റെ​യ്‌​നി​ ​ഗ്രാ​മ​ത്തി​ൽ​ ​ഇ​ന്ന​ലെ​ ​രാ​വി​ലെ​ 10.45​-​ ​നാ​യി​രു​ന്നു​ ​ദു​ര​ന്തം.​ ​ഋ​ഷി​ഗം​ഗ​ ​ന​ദി​യി​ൽ​ ​നി​ർ​മ്മാ​ണ​ത്തി​ലി​രു​ന്ന​ ​ത​പോ​വ​ൻ​ ​താ​പ​വൈ​ദ്യു​തി​ ​നി​ല​യ​ത്തി​ന്റെ​ ​ഭാ​ഗ​മാ​യ​ ​അ​ണ​ക്കെ​ട്ടാ​ണ് ​ത​ക​ർ​ന്ന​ത്.​ ​എ​ൻ.​ടി.​പി.​സി​ക്കു​ ​(​നാ​ഷ​ണ​ൽ​ ​തെ​‌​ർ​മ​ൽ​ ​പ​വ​ർ​ ​കോ​ർ​പ​റേ​ഷ​ൻ​)​ ​കീ​ഴി​ലു​ള്ള​ ​പ​ദ്ധ​തി​യി​ൽ​ ​ജോ​ലി​ചെ​യ്തി​രു​ന്ന​ ​തൊ​ഴി​ലാ​ളി​ക​ളാ​ണ് ​കാ​ണാ​താ​യ​ ​എ​ല്ലാ​വ​രും.​ ​അ​ണ​ക്കെ​ട്ടി​ന്റെ​ ​ഭാ​ഗ​മാ​യ​ ​തു​ര​ങ്ക​ത്തി​ൽ​ ​കു​ടു​ങ്ങി​പ്പോ​യ​ ​ഇ​രു​പ​തോ​ളം​ ​തൊ​ഴി​ലാ​ളി​ക​ളി​ൽ​ 16​ ​പേ​രെ​ ​ര​ക്ഷ​പ്പെ​ടു​ത്തി. ജോ​ഷി​മ​ഠ് ​പ​ർ​വ​ത​ ​മേ​ഖ​ല​യി​ലെ​ ​ന​ന്ദാ​ദേ​വി​ ​ മഞ്ഞുമലയുടെ​ ​ഭാ​ഗ​മാ​ണ് ​ത​ക​ർ​ന്ന​ത്.​ ​കൂ​റ്റ​ൻ​ ​മ​ഞ്ഞു​മ​ല​യും​ ​ധൗ​ളി​ ​ന​ദി​യി​ൽ​ ​മാ​ര​ക​ശ​ക്തി​യോ​ടെ​ ​പ്ര​വ​ഹി​ച്ച​ ​പ്ര​ള​യ​ജ​ല​വും​ ​അ​ണ​ക്കെ​ട്ട് ​ത​ക​ർ​ക്കു​ക​യാ​യി​രു​ന്നു.​ ​സ​മീ​പ​പ്ര​ദേ​ശ​മാ​യ​ ​മ​ല​രി​യി​ലെ​ ​പാ​ലം​ ​ഒ​ഴു​കി​പ്പോ​യി.​ ​മ​റ്റൊ​രു​ ​അ​ണ​ക്കെ​ട്ടി​നും​ ​കേ​ടു​പ​റ്റി.​ ​അ​ണ​ക്കെ​ട്ടു​ ​ത​ക​ർ​ന്ന് ​പ​തി​ന​ഞ്ചു​ ​മി​നി​ട്ടി​ന​കം,​ ​ജോ​ഷി​മ​ഠി​ൽ​ ​നി​ന്ന് 26​ ​കി​ലോ​മീ​റ്റ​ർ​ ​അ​ക​ലെ​ ​റെ​യ്‌​നി​ ​ഗ്രാ​മ​ത്തി​ൽ​ ​ധൗ​ളി​ ​ഗം​ഗാ​ ​ന​ദി​യി​ൽ​ ​വ​ൻ​ ​പ്ര​ള​യം​ ​ദൃ​ശ്യ​മാ​യി​രു​ന്നു. ഇ​രു​ക​ര​ക​ളെ​യും​ ​ക​വ​ർ​ന്ന​ ​പ്ര​ള​യ​ത്തി​ൽ​ ​നി​ര​വ​ധി​ ​വീ​ടു​ക​ൾ​ ​ത​ക​ർ​ന്നു.​ ​ഋ​ഷി​ഗം​ഗാ​ ​തീ​ര​ങ്ങ​ളി​ലും​ ​അ​നേ​കം​ ​പേ​ർ​ ​ദു​ര​ന്ത​ത്തി​നി​ര​യാ​യി.​ ​നൂ​റു​ക​ണ​ക്കി​ന് ​ഇ​ൻ​ഡോ​ ​ടി​ബ​റ്റ​ൻ​ ​ഭ​ട​ന്മാ​രും​ 400​ ​ക​ര​സേ​നാം​ഗ​ങ്ങ​ളും​ ​മെ​ഡി​ക്ക​ൽ​ ​സം​ഘ​വും​ ​ഇ​വി​ടെ​ ​ര​ക്ഷാ​പ്ര​വ​ർ​ത്ത​നം​ ​തു​ട​രു​ന്നു.​ ​ഉ​ത്ത​രാ​ഖ​ണ്ഡ് ​മു​ഖ്യ​മ​ന്ത്രി​ ​ത്രി​വേ​ന്ദ്ര​ ​സിം​ഗ് ​റാ​വ​ത്ത് ​റെ​യ്‌​നി​യി​ലെ​ത്തി​ ​സ്ഥി​തി​ഗ​തി​ക​ൾ​ ​വി​ല​യി​രു​ത്തി.

ധൗളിഗംഗയും ഋഷിഗംഗയും

ഗംഗയുടെ പോഷക നദികളിലൊന്നാണ് ധൗളി ഗംഗ. ജോഷിമഠിൽ വച്ച് അളകനന്ദയിൽ (ഗംഗ)​ ചേരുന്ന ധൗളിയുടെ ഭാഗമാണ് ഋഷിഗംഗ നദി. രണ്ടു നദികളിലെ മിന്നൽ പ്രളയം അളകനന്ദയിലേക്കും വ്യാപിച്ചു. അപകടരേഖയ്ക്കു മുകളിലെത്തിയ അളകനന്ദയിലെ ജലപ്രവാഹം തടസ്സപ്പെടാതിരിക്കാൻ നദീപാതയിലുള്ള ശ്രീനഗർ (ഉത്തരാഖണ്ഡ്), ​ ഹരിദ്വാർ അണക്കെട്ടുകൾ തുറന്നുവിട്ടു. പൗഡി,​ തെഹ്‌രി,​ രുദ്രപ്രയാഗ്,​ ഹരിദ്വാർ,​ ഡെറാഡൂൺ ജില്ലകളിൽ അതീവ ജാഗ്രത പ്രഖ്യാപിച്ചു.

ദേവപ്രയാഗ് മുതലാണ് അളകനന്ദ ഗംഗയായി ഋഷികേശിലും ഹരിദ്വാറിലും എത്തുന്നത്. അപകട നിരപ്പിനും ഒരു മീറ്ററിലധികം ഉയർന്നാണ് അളകനന്ദ ദേവപ്രയാഗ് പിന്നിട്ടത്. രാത്രി വൈകിയാകും പ്രളയജലം ഋഷികേശിലും ഹരിദ്വാറിലുമെത്തുക. ഗംഗയുടെ തീരങ്ങളിൽ നിന്ന് ആളുകളെ ഇന്നലെ വൈകിട്ടു തന്നെ ആളുകളെ ഒഴിപ്പിച്ചിരുന്നു.

രക്ഷാപ്രവർത്തനം ദുർഘടം

സംഹാരഭാവം പൂണ്ട് കരകൾ കവർന്നൊഴുകുന്ന ധൗളിഗംഗയിലെ രക്ഷാപ്രവർത്തനം അതീവദുഷ്കരം.

ദേശീയ ദുരന്ത നിവാരണ സേനയുടെ രണ്ടു യൂണിറ്റുകളാണ് ആദ്യമെത്തിയത്. പിന്നീട് ഡൽഹിയിൽ നിന്ന് അഞ്ച് ടീമുകളെക്കൂടി വിമാനമാർഗം എത്തിച്ചു. ഇൻഡോ ടിബറ്റൻ അതിർത്തിസേനയും കരസേനയും പൊലീസും രക്ഷാപ്രവർത്തനം നടത്തുന്നുണ്ട്. ദുരന്തസ്ഥലത്ത് മെഡിക്കൽ സംഘം ക്യാംപ് ചെയ്യുന്നു.

ആറു ലക്ഷം ധനസഹായം

ദുരന്തത്തിന് ഇരയായവരുടെ കുടുംബാംഗങ്ങൾക്ക് അടിയന്തര ധനസഹായമായി ഉത്തരാഖണ്ഡ് നാലു ലക്ഷം രൂപ വീതം നൽകും. രണ്ടു ലക്ഷം രൂപ വീതം കേന്ദ്രവും പ്രഖ്യാപിച്ചിട്ടുണ്ട്. ഉത്തരാഖണ്ഡ് വലിയ ദുരന്തമാണ് നേരിട്ടതെന്ന് പ്രധാനമന്ത്രി നരേന്ദ്ര മോദി പറ‌ഞ്ഞു. സ്ഥിതി വിലയിരുത്താൻ കേന്ദ്ര ആഭ്യന്തര മന്ത്രി അമിത് ഷാ ഉത്തരാഖണ്ഡിലെത്തും.