കു​വൈ​ത്ത്​ സി​റ്റി: ഇനിമുതൽ കുവൈത്തിലേക്കുള്ള വിസ അനുവദിക്കുന്നത് കൊവിഡ് സമിതിയുടെ അനുമതിയോടെ മാത്രമെന്ന് അധികൃതർ. രാജ്യത്തെ മന്ത്രിമാർ ഉൾപ്പടെയുള്ളവരെ ഉൾപ്പെടുത്തിയാണ് കൊവിഡ് സമിതി രൂപീകരിച്ചത്. നിലവിൽ പുതിയ വിസ അനുവദിക്കുന്നതും കാത്ത് കഴിയുന്ന നിരവധി ആളുകളാണ് രാജ്യത്തിന് പുറത്തുള്ളത്. ഇവർക്കെല്ലാം വെല്ലുവിളിയാകും ഈ തീരുമാനം. നാട്ടിൽ കുരങ്ങി രാജ്യത്ത് എത്താൻ കഴിയാതെപോയ നിരവധി പ്രവാസികളുടെ ഇഖാമ കഴിഞ്ഞദിവസം റദ്ദാക്കിയിരുന്നു. ഇതിനായി 2020 മാ​ർ​ച്ച്​ 12 മു​ത​ൽ 2021 ജ​നു​വ​രി 10 വ​രെ​യു​ള്ള കാലയളവാണ് കണക്കാക്കുന്നത്. ഇ​​തു​വ​രെ​യു​ള്ള തീ​രു​മാ​നം അ​നു​സ​രി​ച്ച്​ ഇ​വ​ർ​ക്ക്​ കു​വൈ​ത്തി​ലേ​ക്ക്​ വ​രാ​ൻ ക​ഴി​യി​ല്ല. കൊവി​ഡ്​ കാ​ല​ത്തെ പ്ര​തി​സ​ന്ധി പ​രി​ഗ​ണി​ച്ച്​ പ്ര​ത്യേ​ക മാ​നു​ഷി​ക പ​രി​ഗ​ണ​ന​യി​ൽ എ​ൻ​ട്രി വി​സ അ​നു​വ​ദി​ക്കാ​നു​ള്ള സാ​ധ്യ​ത​യാ​ണ്​ ഏ​ക പ്ര​തീ​ക്ഷ. അ​ല്ലെ​ങ്കി​ൽ പു​തി​യ വി​സ അ​നു​വ​ദി​ച്ചു​തു​ട​ങ്ങ​ണം. അ​വ​ധി​ക്ക്​ നാ​ട്ടി​ൽ​പോ​യി വി​മാ​ന സ​ർ​വി​സ്​ ഇ​ല്ലാ​ത്ത​തി​നാ​ൽ തി​രി​ച്ചു​വ​രാ​ൻ ക​ഴി​യാ​ത്ത​വ​രാ​ണ്​ ഇ​വ​രി​ൽ ഏ​റെ​യും.