ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം പത്ത് കോടി അറുപത്തിയാറ് ലക്ഷം കടന്നു. വേൾഡോമീറ്ററിന്റെ കണക്കുപ്രകാരം 3.43 ലക്ഷം പുതിയ കേസുകൾ റിപ്പോർട്ട് ചെയ്തു. 23.26 ലക്ഷം പേരാണ് വൈറസ് ബാധ മൂലം മരണമടഞ്ഞത്. രോഗമുക്തി നേടിയവരുടെ എണ്ണം ഏഴ് കോടി എൺപത്തിമൂന്ന് ലക്ഷം പിന്നിട്ടു.

ഇന്ത്യയിൽ 1,08,38,843 പേർക്കാണ് കൊവിഡ് സ്ഥിരീകരിച്ചത്. 11,000ത്തിലധികം പുതിയ കേസുകൾ റിപ്പോർട്ട് ചെയ്തു. നിലവിൽ 1.46 ലക്ഷം പേരാണ് ചികിത്സയിലുള്ളത്. 1,05,33,076 പേർ രോഗമുക്തി നേടി. മരണസംഖ്യ 1.55 ലക്ഷമായി ഉയർന്നു.

അമേരിക്കയാണ് രോഗികളുടെ എണ്ണത്തിൽ ലോകത്ത് ഒന്നാം സ്ഥാനത്ത്. യുഎസിൽ രണ്ട് കോടി എഴുപത്തിയാറ് ലക്ഷം പേർക്കാണ് കൊവിഡ് സ്ഥിരീകരിച്ചത്.4.74 ലക്ഷം പേർ മരിച്ചു. ഒരു കോടി എഴുപത്തിമൂന്ന് ലക്ഷം പേർ സുഖംപ്രാപിച്ചു.

ബ്രസീൽ, റഷ്യ, ബ്രിട്ടൻ എന്നീ രാജ്യങ്ങളിലും രോഗവ്യാപനം രൂക്ഷമാകുകയാണ്. ബ്രസീലിൽ തൊണ്ണൂറ്റിയഞ്ച് ലക്ഷം രോഗബാധിതരാണ് ഉള്ളത്. 2.31 ലക്ഷം പേർ മരിച്ചു. റഷ്യയിലും ബ്രിട്ടനിലും മുപ്പത്തിയൊമ്പത് ലക്ഷം പേർക്ക് വീതമാണ് വൈറസ് ബാധ സ്ഥിരീകരിച്ചത്.