ഒരേ ദിവസം രണ്ടു വിജയ് സേതുപതി ചിത്രങ്ങൾ പ്രദർശനത്തിന് എത്തും. തെലുങ്ക് ചിത്രമായ ഉപ്പെണ, തമിഴ് ചിത്രമായ കുട്ടി സ്റ്റോറി എന്നിവ ഫെബ്രുവരി 12നാണ് എത്തുക. മാസ്റ്ററിനുശേഷം വില്ലൻ വേഷത്തിൽ വിജയ് സേതുപതി എത്തുന്ന ചിത്രമാണ് ഉപ്പെണ. പഞ്ച വൈഷ്ണവ് തേജ്. ക്രിതി ഷെട്ടി എന്നിവരാണ് മറ്റു താരങ്ങൾ. ചിത്രത്തിന്റെ ട്രെയിലർ പുറത്തിറങ്ങിയിട്ടുണ്ട്. മാസ് ലുക്കിലാണ് വിജയ് സേതുപതി എത്തുന്നത്. എന്നാൽ മറ്റൊരാളാണ് ചിത്രത്തിൽ വിജയ് സേതുപതിയുടെ കഥാപാത്രത്തിന് ശബ്ദം നൽകുന്നത്.ഇത് താരത്തിന്റെ ആരാധകരെ നിരാശരാക്കുന്നു. തമിഴിലെ നാലു പ്രമുഖ സംവിധായകർ ഒരുമിക്കുന്ന ആന്തോളജി ചിത്രമാണ് കുട്ടി സ്റ്റോറി. ഗൗതം വസുദേവ് മേനോൻ സംവിധാനം ചെയ്യുന്ന ചിത്രത്തിലാണ് വിജയ് സേതുപതി അഭിനയിക്കുന്നത്.