ഹൈദരാബാദ്: രാഹുൽ ഗാന്ധി തന്നെ വീണ്ടും കോൺഗ്രസ് അദ്ധ്യക്ഷനാകണമെന്ന് തെലങ്കാന കോൺഗ്രസ് ഘടകം. തെലങ്കാനയിലെ 33 ജില്ലാ കോൺഗ്രസ് കമ്മിറ്റി പ്രസിഡന്റുമാരും പങ്കെടുത്ത യോഗത്തിലാണ് തീരുമാനം. രാഹുൽ അദ്ധ്യക്ഷ സ്ഥാനത്തേക്ക് വരണമെന്ന് ആവശ്യപ്പെട്ട് യോഗം ഐക്യകണ്‌ഠേന പ്രമേയം പാസാക്കി. തെലങ്കാനയുടെ ചുമതലയുള്ള എ.ഐ.സി.സി അംഗവും എം.പിയുമായ മണിക്‌ ടാഗോർ, തെലങ്കാന പ്രദേശ് കോൺഗ്രസ് കമ്മിറ്റി പ്രസിഡന്റ് എൻ. ഉത്തം കുമാർ റെഡ്ഡി, കോൺഗ്രസ് നിയമസഭാ പാർട്ടി നേതാവ് ഭട്ടി വിക്രമാർക്ക ഉൾപ്പെടെയുള്ള നേതാക്കളുടെ സാന്നിദ്ധ്യത്തിൽ നടന്ന യോഗത്തിലാണ് തീരുമാനം.