കൈറോ: കഴിഞ്ഞ നാല് വർഷമായി ഈജിപ്തിലെ ജയിലിൽ കഴിയുന്ന മാദ്ധ്യമപ്രവർത്തകൻ മഹ്‌മൂദ് ഹുസൈനെ(54) മോചിപ്പിച്ചു. രാജ്യത്തിന്റെ പ്രതിഛായ കളങ്കപ്പെടുത്തുന്ന വാർത്തകളെഴുതാൻ വിദേശത്തുനിന്നും പണം കൈപ്പറ്റിയെന്ന്​ ആരോപിച്ച് 2016 ഡിസംബറിൽ അൽജസീറയുടെ മാദ്ധ്യമപ്രവർത്തകനായ മഹ്‌മൂദിനെ കരുതൽ തടങ്കലിൽ പാർപ്പിക്കുന്നത്.

അഭിഭാഷകനെ അനുവദിക്കാതെ കോടതിയിൽ 15 മണിക്കൂർ വരെ ഇദ്ദേഹത്തെ ചോദ്യം ചെയ്​തിരുന്നു. വിചാരണ പോലും നിഷേധിച്ച്​ നിരവധി തവണ തടങ്കൽ നീട്ടുകയും ചെയ്​തു. എന്നാൽ, ഇതുവരെ ഒരു കുറ്റവും ചുമത്തിയിരുന്നില്ല. അവധിദിനത്തിൽ കുടുംബത്തെ സന്ദർശിച്ചു മടങ്ങു​മ്പോഴായിരുന്നു അറസ്​റ്റ്​.