ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം പത്ത് കോടി അറുപത്തിയൊമ്പത് ലക്ഷം പിന്നിട്ടു. വേൾഡോമീറ്ററിന്റെ കണക്കുപ്രകാരം മൂന്ന് ലക്ഷത്തിലധികം പേർക്കാണ് പുതുതായി രോഗം സ്ഥിരീകരിച്ചത്. മരണസംഖ്യ 23.35 ലക്ഷമായി ഉയർന്നു. ഏഴ് കോടി എൺപത്തിയെട്ട് ലക്ഷം പേർ സുഖം പ്രാപിച്ചു.

അമേരിക്ക, ഇന്ത്യ, ബ്രസീൽ എന്നീ രാജ്യങ്ങളാണ് രോഗബാധിതരുടെ എണ്ണത്തിൽ ആദ്യമൂന്ന് സ്ഥാനങ്ങളിലുള്ളത്. യുഎസിൽ രണ്ട് കോടി എഴുപത്തിയാറ് ലക്ഷം വൈറസ് ബാധിതരാണ് ഉള്ളത്. ലോകത്ത് ഏറ്റവും കൂടുതൽ പേർ കൊവിഡ് ബാധിച്ച് മരിച്ചതും അമേരിക്കയിലാണ്. 4.76 ലക്ഷം പേരാണ് മരിച്ചത്. 1.75 കോടി പേർ സുഖം പ്രാപിച്ചു.

ഇന്ത്യയിൽ 1,08,47,790 പേർക്കാണ് കൊവിഡ് സ്ഥിരീകരിച്ചത്. നിലവിൽ 1.41 ലക്ഷം പേർ മാത്രമേ ചികിത്സയിലുള്ളു. 1,05,46,905 പേർ സുഖം പ്രാപിച്ചു. വൈറസ് ബാധ മൂലം മരണമടഞ്ഞവരുടെ എണ്ണം 1.55 ലക്ഷമായി ഉയർന്നു. ബ്രസീലിൽ തൊണ്ണൂറ്റിയഞ്ച് ലക്ഷം രോഗബാധിതരാണ് ഉള്ളത്. നിലവിൽ 8,68,264 പേരാണ് ചികിത്സയിലുള്ളത്. 2.32 ലക്ഷം പേർ മരിച്ചു.രോഗമുക്തി നേടിയവരുടെ എണ്ണം എൺപത്തിനാല് ലക്ഷമായി.