തിരുവനന്തപുരം: സംസ്ഥാനത്ത് ഇന്ധനവില ഇന്നും കൂട്ടി. പെട്രോളിന് 35 പൈസയും ഡീസലിന് 37 പൈസയുമാണ് വർദ്ധിപ്പിച്ചത്. ഗ്രാമീണ മേഖലകളിൽ പെട്രോൾ വില 90 കടന്നു. തിരുവനന്തപുരത്ത് ഒരു ലിറ്റർ പെട്രോളിന് 89.18 രൂപയും, ഡീസലിന് 83.33 രൂപയുമാണ് ഇന്നത്തെ വില.

എറണാകുളത്ത് പെട്രോളിന് 87.46 രൂപയും ഡീസലിന് 81.72 രൂപയുമായി. ഈ മാസം മാത്രം മൂന്നാം തവണയാണ് ഇന്ധനവില കൂട്ടുന്നത്. പെട്രോളിനും ഡീസലിനും എട്ട് മാസത്തിനിടെ 16 രൂപ വീതമാണ് വ‌ർദ്ധിപ്പിച്ചത്.