ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം പത്ത് കോടി എഴുപത്തിമൂന്ന് ലക്ഷം പിന്നിട്ടു. വേൾഡോമീറ്ററിന്റെ കണക്കുപ്രകാരം 3.70 ലക്ഷം പുതിയ കേസുകളാണ് റിപ്പോർട്ട് ചെയ്തത്. മരണസംഖ്യ 23.48 ലക്ഷമായി ഉയർന്നു. രോഗമുക്തി നേടിയവരുടെ എണ്ണം ഏഴ് കോടി തൊണ്ണൂറ്റിരണ്ട് ലക്ഷം കടന്നു.

ലോകത്ത് ഏറ്റവും കൂടുതൽ രോഗികളും മരണവും റിപ്പോർട്ട് ചെയ്തത് അമേരിക്കയിലാണ്. യു എസിൽ രണ്ട് കോടി എഴുപത്തിയേഴ് ലക്ഷം രോഗബാധിതരാണ് ഉള്ളത്. 90,000ത്തിലധികം പുതിയ കേസുകൾ റിപ്പോർട്ട് ചെയ്തു. 4.79 ലക്ഷം പേർ മരിച്ചു. രോഗമുക്തി നേടിയവരുടെ എണ്ണം ഒരു കോടി എഴുപത്തിയാറ് ലക്ഷം പിന്നിട്ടു.

കൊവിഡ് ബാധിതരുടെ എണ്ണത്തിൽ ലോകത്ത് രണ്ടാം സ്ഥാനത്ത് ഇന്ത്യയാണ്. രാജ്യത്ത് 1,08,58,300 പേർക്കാണ് വൈറസ് ബാധ സ്ഥിരീകരിച്ചത്. നിലവിൽ 1.38 ലക്ഷം പേർ മാത്രമേ ചികിത്സയിലുള്ളു. 1,05,59,604 പേർ സുഖം പ്രാപിച്ചു. 1.55 ലക്ഷം പേർ മരിച്ചു.

ബ്രസീലിലും സ്ഥിതി ഗുരുതരമായി തുടരുകയാണ്. രാജ്യത്ത് തൊണ്ണൂറ്റിയാറ് ലക്ഷം രോഗബാധിതരാണ് ഉള്ളത്. 2.33 ലക്ഷം പേർ മരണമടഞ്ഞു. നിലവിൽ 8,44,984 പേരാണ് ചികിത്സയിലുള്ളത്. രോഗമുക്തി നേടിയവരുടെ എണ്ണം എൺപത്തിയഞ്ച് ലക്ഷം പിന്നിട്ടു.